EV Scooters: ఈ ఈవీ స్కూటర్లకు సెపరేట్‌ ఫ్యాన్‌ బేస్.. ఇదే అసలు కారణం
ద్విచక్ర వాహనాల్లో బైక్‌ కంటే ఇటీవల కాలంలో స్కూటర్ కొనుగోలుకు ముందుకు వస్తున్నారు. స్కూటర్లపై ప్రయాణం చాలా సౌకర్యంగా ఉంటుంది. అంతేకాకుండా స్కూటర్ ఎదురుగా వారు సామగ్రి నిల్వ చేసే స్థలం ఉండడంతో ఎక్కువ మంది మధ్యతరగతి ప్రజలు స్కూటర్లను ఇష్టపడుతున్నారు. అలాగే పెరుగుతున్న పెట్రో ధరల నుంచి రక్షణకు ఎక్కువ ఈవీ వాహనాలను కొనుగోలుకు మొగ్గు చూపుతున్నారు. కాబట్టి ప్రస్తుతం మార్కెట్లో అందుబాటులో ఉన్న ఐదు ఎలక్ట్రిక్ స్కూటర్ల గురించి మరిన్ని వివరాలను తెలుసుకుందాం.
బెంగుళూరుకు చెందిన స్టార్టప్ కంపెనీ రివర్ ద్వారా రివర్ ఇండీ ఎలక్ట్రిక్ స్కూటర్‌ను భారత మార్కెట్లో అందిస్తోంది. కొంతకాలం క్రితం విడుదల చేసిన ఈ ఎలక్ట్రిక్ స్కూటర్‌కు కంపెనీ 43 లీటర్ల బూట్ స్పేస్‌ను అందించింది. ఈ స్కూటర్ అన్ని ఇతర ఎలక్ట్రిక్ స్కూటర్లలో అతిపెద్ద లగేజీ స్థలాన్ని కలిగి ఉంటుంది.
ఓలా ఎస్1 ప్రోను ఓలా ప్రీమియం ఎలక్ట్రిక్ స్కూటర్‌గా అందిస్తోంది. ఈ స్కూటర్‌లో 36 లీటర్ల లగేజీ స్పేస్ ఉంది. ఎలక్ట్రిక్ స్కూటర్ సెగ్మెంట్‌లో రెండో అత్యధిక లగేజీ సామర్థ్యం కలిగిన స్కూటర్ ఇదే. అయితే, దాని రెండో తరం బూట్ స్పేస్ 34 లీటర్లుగా ఉంది.
టీవీఎస్‌ ఐక్యూబ్‌ఎలక్ట్రిక్ స్కూటర్ రెండు వేరియంట్లలో అందిస్తున్నారు. ఇందులోని బేస్ వేరియంట్ ఐ క్యూబ్‌, మధ్య వేరియంట్ ఐక్యూబ్‌ ఎస్‌లో కంపెనీ సామగ్రి కోసం 32 లీటర్ల నిల్వ స్థలాన్ని అందిస్తాయి.
ఓలా ఎస్ 1 ఎయిర్ ఎలక్ట్రిక్ స్కూటర్‌ను తక్కువ బడ్జెట్‌లో అందిస్తోంది. ఓలా ఎస్1 ప్రోతో పోలిస్తే ఎయిర్ ఎలక్ట్రిక్ స్కూటర్‌లో లగేజీ స్పేస్ కొంచెం తక్కువగా ఉంటుంది. ఎస్ 1 ఎయిర్‌లో కంపెనీ 34 లీటర్ల బూట్ స్పేస్‌ను అందిస్తుంది.
ది వన్ ఎలక్ట్రిక్ స్కూటర్ మరో బెంగళూరు ఆధారిత స్టార్టప్ కంపెనీ. ఇందులో వచ్చే సింపుల్ వన్ ఈవీ స్కూటర్ 30 లీటర్ల బూట్ స్పేస్‌తో ఆకర్షణీయంగా ఉంటుంది. ఈ ఎలక్ట్రిక్ స్కూటర్‌లో కంపెనీ మరిన్ని ఫీచర్లను కూడా అందించింది. ఇందులో రెండు బ్యాటరీలు వంటి అదనపు ఫీచర్లు ఇస్తుంది. ఇందులో ఒక బ్యాటరీని ఫిక్స్ చేసి మరో బ్యాటరీని తీసేసే సదుపాయం కల్పించారు.