Mahindra EV: వామ్మో.. ఇంత తగ్గింపా.. చౌకగా మహీంద్రా ఇ-కార్లు.. రూ.4 లక్షల వరకు తగ్గింపు!
Mahindra EV: ప్రస్తుతం ఆటో మొబైల్ రంగంలో ఎలక్ట్రిక్ కార్లు హవా కొనసాగిస్తున్నాయి. ఎందుకంటే పెరుగుతున్న పెట్రోల్, డీజిల్ ధరలను దృష్టిలో ఉంచుకుని కార్ల తయారీ కంపెనీలు ఎలక్ట్రిక్ వాహనాలను తీసుకువస్తున్నాయి. ఇక మహేంద్రా కంపెనీ గురించి పెద్దగా చెప్పాల్సిన అవసరం లేదు. ఈవీ రంగంలో తన హవా కొనసాగిస్తోంది. ఇప్పుడు ఈ రెండు ఈవీలపై ఏకంగా రూ.4 లక్షల వరకు తగ్గింపు ఆఫర్ ఇస్తున్నాయి..
Mahindra Electric Cars: మహీంద్రా తన ఎలక్ట్రిక్ కార్ల శ్రేణిపై ఈ నెలలో రూ.4 లక్షల వరకు గణనీయమైన తగ్గింపులను అందిస్తోంది. ఈ శ్రేణిలో మహీంద్రా XEV 9e, మహీంద్రా BE 6, మహీంద్రా XUV400 EL Pro వంటి మోడళ్లు ఉన్నాయి. కంపెనీ తన ఎలక్ట్రిక్ పోర్ట్ఫోలియోకు మహీంద్రా XEV 9S, మహీంద్రా XUV 3XO EV లను కూడా జోడించింది. అలాగే భవిష్యత్తులో మరిన్ని ఎలక్ట్రిక్ వాహనాలను పరిచయం చేయాలని యోచిస్తోంది. ఈ నెలలో అత్యధిక తగ్గింపులను పొందుతున్న ఈ మూడు కార్లపై ఎంత తగ్గింపు అందుబాటులో ఉందో తెలుసుకుందాం.
మహీంద్రా XEV 9e పై రూ.1.4 లక్షల వరకు నగదు తగ్గింపు లభిస్తుంది. ఈ కారు కేవలం రియర్-వీల్ డ్రైవ్తో మాత్రమే వస్తుంది. ఇది 59 kWh, 79 kWh అనే రెండు బ్యాటరీ ఆప్షన్లలో అందుబాటులో ఉంది. 59 kWh బ్యాటరీ 227.97 bhp శక్తిని ఉత్పత్తి చేయగా, 79 kWh బ్యాటరీ 281.6 bhp శక్తిని ఉత్పత్తి చేస్తుంది. రెండూ 380 Nm టార్క్ను అందిస్తాయి. దీని ప్రారంభ ఎక్స్-షోరూమ్ ధర రూ.21.90 లక్షలు.
మహీంద్రా BE 6 రూ.2 లక్షల వరకు నగదు తగ్గింపుతో అందుబాటులో ఉంది. ఇది 59 kWh, 79 kWh బ్యాటరీ ప్యాక్లతో కూడా వస్తుంది. ఈ కారు రియర్-వీల్ డ్రైవ్ సింగిల్ మోటార్ సెటప్తో వస్తుంది. 59 kWh బ్యాటరీ 227.9 bhp, 380 Nm టార్క్ను ఉత్పత్తి చేయగా, 79 kWh బ్యాటరీ 281.6 bhp, 380 Nm టార్క్ను ఉత్పత్తి చేస్తుంది. దీని ప్రారంభ ధర రూ.19.65 లక్షలు (ఎక్స్-షోరూమ్).
మహీంద్రా XUV400 EL ప్రోపై రూ.4 లక్షల వరకు అత్యధిక తగ్గింపు లభిస్తోంది. ఇది 34.5 kWh, 39.4 kWh అనే రెండు బ్యాటరీ ఆప్షన్లతో వస్తుంది. ఇవి వరుసగా 359 కి.మీ, 456 కి.మీ రేంజ్ను అందిస్తాయి. ఈ రెండు వేరియంట్లు ఒకే ఎలక్ట్రిక్ మోటార్తో పనిచేస్తాయి. ఇది 147.5 bhp, 310 Nm టార్క్ను ఉత్పత్తి చేస్తుంది. దీని ప్రారంభ ఎక్స్-షోరూమ్ ధర రూ.17.49 లక్షలు.
నవరాత్రి మొదటి రోజున రికార్డు నమోదైంది: నవరాత్రి మొదటి రోజున 600 యూనిట్లకు పైగా ఎలక్ట్రిక్ SUVలను డెలివరీ చేసినట్లు మహీంద్రా ప్రకటించింది. వీటిలో మహీంద్రా XEV 9e, మహీంద్రా BE 6, మహీంద్రా XEV 9S ఉన్నాయి. ఈ మూడు వాహనాలు పూర్తిగా ఎలక్ట్రిక్ ప్లాట్ఫామ్పై నిర్మించారు.