BSNL Recharge Plan: 6 నెలల వ్యాలిడిటీతో బీఎస్‌ఎన్‌ఎల్‌ నుంచి రెండు చౌకైన రీఛార్జ్ ప్లాన్స్‌..!
BSNL Recharge Plan: ప్రభుత్వ టెలికాం సంస్థ అయిన బీఎస్‌ఎన్‌ఎల్‌ తన వినియోగదారుల కోసం రకరకాల రీఛార్జ్ ప్లాన్స్‌ను అందిస్తుంది. యూజర్లకు చౌకైన ప్లాన్స్‌ను అందిస్తూ అపరిమిత కాల్స్, డేటా, ఎస్‌ఎంఎస్‌లను అందిస్తోంది. బీఎస్‌ఎన్‌ఎల్‌ నుంచి రెండు చౌకైన ప్లాన్స్‌ ఉన్నాయి..
తక్కువ ధరకు ఎక్కువ ప్రయోజనాలను అందించే విషయానికి వస్తే భారతీయ సంచార్ నిగమ్ లిమిటెడ్ (BSNL) పేరు మొదట వస్తుంది. ప్రభుత్వ టెలికాం సంస్థ ప్రైవేట్ కంపెనీలతో పోలిస్తే తక్కువ ధరలకు అద్భుతమైన వాలిడిటీ, డేటా ప్లాన్‌లను అందిస్తోంది. బీఎస్‌ఎన్‌ఎల్‌ 6 నెలల చెల్లుబాటు ప్లాన్ గురించి తెలుసుకుందాం. ఈ ప్లాన్ ధర రూ. 1,000 కంటే తక్కువ. అలాంటి ప్లాన్లు ఒకటి కాదు రెండు ఉన్నాయి.
ఈ 6 నెలల ప్లాన్‌లో మీరు కాలింగ్, డేటా, మెసేజ్‌లతో సహా అనేక ప్రయోజనాలను పొందుతారు. మీరు చౌకైన, దీర్ఘకాలిక చెల్లుబాటు ప్లాన్ కోసం చూస్తున్నట్లయితే, BSNL అందుబాటులో ఉన్న అత్యుత్తమ ప్లాన్లలో ఒకటి. ఈ 6 నెలల వ్యాలిడిటీతో కూడిన ప్లాన్‌లో ఎన్నో ప్రయోజనాలు ఉన్నాయి.
ఈ BSNL ప్లాన్ చెల్లుబాటు 6 నెలలు అంటే 180 రోజులు. దీనిలో రోజుకు 100 SMSలు, అపరిమిత కాల్స్ ఉంటాయి. దేశంలోని ఏ నంబర్‌కైనా వినియోగదారులు అపరిమిత కాలింగ్‌ను ఆస్వాదించవచ్చు. ఇది కాకుండా చెల్లుబాటు సమయంలో మొత్తం 90GB డేటా అందిస్తుంది. ఈ పరిమితిని చేరుకున్న తర్వాత డేటాను 40Kbps వేగంతో యాక్సెస్ చేయవచ్చు. ధర 897 రూపాయలు.
ఇది కాకుండా, కంపెనీకి రూ. 1000 లోపు వచ్చే మరో ప్లాన్ కూడా ఉంది. దీనిలో మీకు రోజుకు 2GB హై-స్పీడ్ డేటా లభిస్తుంది. ఈ ప్లాన్ అపరిమిత ఉచిత కాలింగ్, రోజుకు 100 SMSలతో వస్తుంది. డేటాతో పాటు, ఈ BSNL ప్లాన్ కాలింగ్, SMS, జింగ్ మ్యూజిక్, BSNL ట్యూన్స్, WOW ఎంటర్టైన్మెంట్, గేమింగ్ ప్రయోజనాలను కూడా అందిస్తుంది.
ఈ రెండు ప్లాన్లు చాలా చౌకైనవిగా ఉన్నాయి. అందుకే మీరు వీటిని సద్వినియోగం చేసుకోవాలనుకుంటే మీరు బీఎస్‌ఎన్‌ఎల్‌ వెబ్‌సైట్‌కి వెళ్లి రీఛార్జ్ చేసుకోవచ్చు. ఇవే కాకుండా బీఎస్‌ఎన్‌ఎల్‌ తన వినియోగదారుల కోసం ఎన్నో చౌకైన ప్లాన్స్‌ను అందుబాటులోకి తీసుకువస్తోంది.