3-6-9 ఇవి నంబర్స్ కాదు.. మీ తలరాత మార్చే ఫార్ములా! మీ లైఫ్లో ఆర్థిక ఇబ్బందులు ఉండవు!
ఆర్థికవేత్తల 3-6-9 రూల్ జాబ్ పోయినప్పుడు, వైద్య అత్యవసర పరిస్థితులలో ఆర్థిక భద్రతకు కీలకం. ఈ నిధిని సులభంగా అందుబాటులో ఉండే విధంగా ఉంచి, నిజమైన సంక్షోభాలకే వాడాలి. ఇది కష్ట సమయాల్లో అండగా నిలుస్తుంది. మరి ఈ ఫార్ములా ఇలా ప్లాన్ చేయాలో చూద్దాం..
3-6-9 రూల్ ప్రధానంగా ఉద్యోగం కోల్పోయిన సమయంలో లేదా వైద్య అత్యవసర పరిస్థితులు వంటి క్లిష్ట సమయాల్లో ఆర్థిక భద్రతను అందించడానికి ఆర్థికవేత్తలు రూపొందించారు.
3.. మీ నెలవారీ ఖర్చులకు కనీసం 3 రెట్లు ప్రత్యేక ఖాతాలో జమ చేయాలి. మీ నెలవారీ ఖర్చులు రూ.50,000 అయితే మీ వద్ద అత్యవసర నిధిగా రూ.1.5 లక్షలు ఉండాలి. ఈ నిధి బ్యాచిలర్లకు లేదా కొత్త ఉద్యోగం ప్రారంభించిన వ్యక్తులకు అనుకూలంగా ఉంటుంది.
6.. మీకు కుటుంబ బాధ్యతలు ఉంటే, మీ నెలవారీ ఖర్చులకు కనీసం 6 రెట్లు నిల్వ ఉంచుకోవాలి. ఇది మీ జీవితాన్ని 6 నెలల పాటు ఎటువంటి సమస్యలు లేకుండా కొనసాగించగలదు.
9.. పెద్ద అప్పు (గృహ రుణం) ఉన్నవారు లేదా ఆదాయం అస్థిరంగా ఉన్నవారు వారి నెలవారీ ఖర్చులకు 9 రెట్లు నిల్వ ఉంచుకోవాలి. ఇది 9 నెలల పాటు కష్టతరమైన సంక్షోభాన్ని ఎదుర్కోవడంలో మీకు సహాయపడుతుంది.
ఈ డబ్బును త్వరగా ఉపసంహరించుకోగలిగే ప్రదేశంలో (పొదుపు ఖాతా లేదా ద్రవ నిధి) ఉంచాలి. ఈ నిధిని విలాసాల కోసం కాకుండా నిజమైన అత్యవసర సమయాల్లో మాత్రమే ఉపయోగించాలి.