David Warner: వార్నర్ మామా మజాకా.. సచిన్ పేరిట ఉన్న రెండు రికార్డులను సమం చేసిన అస్ట్రేలియన్ ఓపెనర్..
మెల్‌బోర్న్ వేదికగా దక్షిణాఫ్రికాతో జరుగుతున్న టెస్టు మ్యాచ్‌లో ఆస్ట్రేలియా బ్యాట్స్‌మెన్ డేవిడ్ వార్నర్ డబుల్ సెంచరీ సాధించాడు. ఈ డబుల్ సెంచరీ ద్వారా వార్నర్ మాస్టర్ బ్లాస్టర్ సచిన్ టెండూల్కర్ పేరిట ఉన్న ప్రపంచ రికార్డును సమం చేశాడు.. దీంతో పాటు ఓపెనర్‌గా అత్యధిక సెంచరీలను చేసిన ఆటగాడిగా వార్నర్ కూడా సచిన్‌తో పాటు నిలిచాడు.
దక్షిణాఫ్రికాతో జరుగుతున్న టెస్టు మ్యాచ్ రెండో రోజులో ఆస్ట్రేలియా బ్యాట్స్‌మెన్ డేవిడ్ వార్నర్ డబుల్ సెంచరీ చేశాడు. దీంతో వార్నర్ తన 100వ టెస్టు మ్యాచ్‌లో డబుల్ సెంచరీ సాధించిన 2వ అంతర్జాతీయ బ్యాట్స్‌మెన్‌గా నిలిచాడు.
గతంలో ఈ రికార్డును ఇంగ్లండ్‌ ఆటగాడు జో రూట్ తన పేరిట లిఖించుకుని, మాస్టర్ బ్లాస్టర్‌తో సమంగా నిలిచాడు. 2021లో తన 100వ టెస్టు మ్యాచ్ ఆడిన రూట్ ఆ మ్యాచ్‌లో డబుల్ సెంచరీ సాధించాడు. ఇప్పుడు డేవిడ్ వార్నర్ కూడా ఈ ఘనతను సమం చేశాడు.
దక్షిణాఫ్రికాపై చేసిన సెంచరీతో వార్నర్ ఇప్పుడు అంతర్జాతీయ క్రికెట్‌లో ఓపెనర్‌గా అత్యధిక సెంచరీలు సాధించిన ఆటగాడిగా అగ్రస్థానంలో నిలిచాడు. ఈ విషయంలో కూడా సచిన్ రికార్డును వార్నర్ సమం చేయడం విశేషం.
అంటే.. ఆస్ట్రేలియాపై అత్యధిక సెంచరీ సాధించిన టీమిండియా ఓపెనర్‌గా సచిన్ టెండూల్కర్ రికార్డును రోహిత్ శర్మ సమం చేశాడు. ఆస్ట్రేలియాపై ఓపెనర్‌గా సచిన్ టెండూల్కర్ 9 సెంచరీల రికార్డు సృష్టించాడు.
ఈ జాబితాలో వెస్టిండీస్ మాజీ ఆటగాడు క్రిస్ గేల్ మూడో స్థానంలో ఉన్నాడు. అంతర్జాతీయ క్రికెట్‌లో ఓపెనర్‌గా గేల్ 42 సెంచరీలు సాధించాడు. ఓపెనర్‌గా 45 సెంచరీలు సాధించిన వార్నర్ మరో సెంచరీ సాధిస్తే సరికొత్త ప్రపంచ రికార్డు సృష్టిస్తాడు.