Raw Milk for Skin Care: పచ్చి పాలతో మెరిసే అందం.. రోజూ రాత్రి నిద్రకు ముందు 10 నిమిషాలు ఇలా చేయండి
ఒక్కోసారి గ్లోయింగ్ స్కిన్ పొందడానికి ఎంత డబ్బు ఖర్చు పెట్టినా ఫలితం అంతంత మాత్రంగానే కనిపిస్తుంది. కానీ ఇంట్లోనే ఈ సింపుల్‌ ట్రిక్‌ ఫాలో అవడం ద్వారా చర్మానికి సహజ మెరుపును తీసుకురావచ్చు. ఇలా చేయడం వల్ల ఖరీదైన కాస్మోటిక్స్ ఉత్పత్తులు కొనుగోలు చేయకుండా ఇంట్లోనే చర్మాన్ని వీలైనంత ఆరోగ్యంగా ఉంచుకోవడానికి సాధ్యమవుతుంది. సహజంగా స్కిన్ టోన్ పెంచడానికి పచ్చి పాలకు మించిన ప్రత్యామ్నాయం లేదు..
ఒక్కోసారి గ్లోయింగ్ స్కిన్ పొందడానికి ఎంత డబ్బు ఖర్చు పెట్టినా ఫలితం అంతంత మాత్రంగానే కనిపిస్తుంది. కానీ ఇంట్లోనే ఈ సింపుల్‌ ట్రిక్‌ ఫాలో అవడం ద్వారా చర్మానికి సహజ మెరుపును తీసుకురావచ్చు. ఇలా చేయడం వల్ల ఖరీదైన కాస్మోటిక్స్ ఉత్పత్తులు కొనుగోలు చేయకుండా ఇంట్లోనే చర్మాన్ని వీలైనంత ఆరోగ్యంగా ఉంచుకోవడానికి సాధ్యమవుతుంది. సహజంగా స్కిన్ టోన్ పెంచడానికి పచ్చి పాలకు మించిన ప్రత్యామ్నాయం లేదు.
పొడి లేదా కఠినమైన చర్మానికి పచ్చి పాలు చాలా మేలు చేస్తాయి. చర్మం తాజాగా ఉండాలంటే మాయిశ్చరైజింగ్, క్లెన్సింగ్ పద్ధతులు చాలా అవసరం. పచ్చి పాలను వారానికి ఒకసారి ఇలా వినియోగిస్తే చర్మంలో వచ్చే మార్పును మీరే గమనించవచ్చు.
నేచురల్ ఫేస్ క్లెన్సర్, మాయిశ్చరైజర్, స్కిన్ టోన్‌గా పాలు చాలా ఉపయోగకరంగా ఉంటాయి. ఎలాంటి చర్మ సమస్యకైనా పాలను పరిష్కారంగా ఉపయోగించవచ్చు. చర్మంపై ఉన్న మురికి, టాన్ తొలగించడానికి.. పాలలో దూదిని ముంచి ముఖం, మెడ, చేతులపై అప్లై చేయాలి. ఈ విధంగా 8 నిమిషాల పాటు రుద్దడం వల్ల చర్మపై టాన్, మురికి తొలగిపోతుంది.
పొడి చర్మ నివారణకు పచ్చి పాలను ముఖానికి పట్టించి 20 నిమిషాలపాటు అలాగే ఉంచాలి. తర్వాత చల్లటి నీటితో ముఖం కడుక్కోవాలి. తరచూ ఇలా చేయడం వల్ల మునుపటి కంటే చర్మం చాలా ప్రకాశవంతంగా కనిపిస్తుంది.
పచ్చి పాలను ఫేషియల్ ప్యాక్‌గా ఉపయోగించవచ్చు. మార్కెట్ ఫేస్ ప్యాక్‌తో పోలిస్తే.. పాలు, తేనె, శెనగపిండితో ఇంట్లో తయారుచేసిన ప్యాక్‌ ప్రభావవంతంగా పనిచేస్తుంది. దీనిని ముఖానికి అప్లై చేసి15 నిమిషాలు అలాగే ఉంచి, అది ఆరిన తర్వాత ముఖాన్ని గోరువెచ్చని నీటితో కడగాలి. అలాగే ప్రతిరోజూ పడుకునే ముందు ముఖానికి పాలను అప్లై చేసి, కాసేపు అలాగే ఉంచి ఆరిన తర్వాత సాధారణ నీటితో శుభ్రం చేసుకోవాలి. తరచూ ఈ టిప్‌ ఫాలో అవడం వల్ల మార్పు మీరే గమనిస్తారు.