Yamaha MT15 2.0: యమహా నుంచి సరికొత్త ద్విచక్ర వాహనం.. ఫీచర్స్‌, ధర వివరాలు
Yamaha MT15 2.0: మార్కెట్లో కొత్త కొత్త ద్విచక్ర వాహ‌నాలు విడుద‌ల‌వుతున్నాయి. టెక్నాల‌జీని అందిపుచ్చుకుంటున్న వాహ‌నాల త‌యారీ కంపెనీలు..
Yamaha MT15 2.0: మార్కెట్లో కొత్త కొత్త ద్విచక్ర వాహ‌నాలు విడుద‌ల‌వుతున్నాయి. టెక్నాల‌జీని అందిపుచ్చుకుంటున్న వాహ‌నాల త‌యారీ కంపెనీలు.. క‌స్ట‌మ‌ర్ల‌కు అనుగుణంగా మ‌రిన్ని ఫీచ‌ర్స్‌ను జోడించి బైక్‌ల‌ను మార్కెట్లో విడుదల చేస్తున్నాయి.
ఇక ప్ర‌ముఖ ద్విచక్ర వాహ‌నాల త‌యారీ సంస్థ యమహా.. దేశీయ మార్కెట్‌లోకి నూత‌న త‌రం ఎంటీ15వీ 2.0 బైక్ విడుదల చేసింది. ఆర్‌15వీ బైక్ మోడ‌ల్ బేస్‌గా తయారైన ఎంటీ 15వీ 2.0 మోటారు సైకిల్ సరికొత్త ఫీచర్స్‌తో అందాల‌తో వినియోగ‌దారుల‌కు అందుబాటులోకి వచ్చింది. నాలుగు ర‌కాల ఆప్ష‌న్ల‌లో ఇది ల‌భిస్తోంది.
2022 మోడ‌ల్ ఎంటీ15 వీ 2.0 బైక్ సియాన్ స్టార్మ్‌, రేసింగ్ బ్లూ, ఐస్ ఫ్లూ వెర్మిలియ‌న్‌, మెటాలిక్ బ్లాక్ వేరియంట్ల‌లో అందుబాటులోకి వ‌స్తోంది. ఎంటీ 15వీ 2.0 బైక్ రూ.1.6 ల‌క్ష‌ల నుంచి ప్రారంభం అవుతున్న‌ట్లు కంపెనీ వెల్ల‌డించింది.
ఇందులో అత్యాధునిక ఫీచ‌ర్స్‌ను జోడించింది కంపెనీ. సింగిల్ చానెల్ ఏబీఎస్‌కు బ‌దులు డ్యూయ‌ల్ చానెల్ ఏబీఎస్‌, బ్లూటూత్ క‌నెక్టివిటీతో కూడిన న్యూ డిజిట‌ల్ ఇన్‌స్ట్రుమెంట్ క్ల‌స్ట‌ర్‌, సింగిల్ ప్యాడ్ ప్రొజెక్ట‌ర్‌, ఎల్ఈడీ హెడ్ ల్యాంప్స్, రైజ్డ్ టెయిల్ సెక్ష‌న్‌, సైడ్ స్లంగ్ ఆఫ్ స్వెఫ్ట్ ఎగ్జాస్ట్ మ‌ఫ్ల‌ర్స్ త‌దిత‌ర ఫీచ‌ర్లు ఆక‌ర్ష‌ణ కానున్నాయి. ఇంకా మ‌రెన్నో ఫీచ‌ర్స్‌ను అందించింది. వీవీఏ టెక్నాల‌జీతో కూడిన 155 సీసీ సింగిల్ సిలిండ‌ర్‌, లిక్విడ్‌కూల్డ్ ఇంజిన్‌తో వ‌స్తోంది.