Breaking News
  • హైదరాబాద్: జర్నలిస్టులందరికీ హెల్త్‌ కార్డులు అందించాలి, అన్ని ఆస్పత్రుల్లో సేవలు అందించేలా ప్రభుత్వం చర్యలు తీసుకోవాలి, ఈనెల 20 నుంచి 25 వరకు రాష్ట్ర వ్యాప్తంగా మంత్రులు, ఎమ్మెల్యేలకు టీయూడబ్ల్యూజే వినతి పత్రాలు-టీయూడబ్ల్యూజే ప్రధాన కార్యదర్శి విరాహత్‌ అలీ.
  • ఆసియాలోనే లైఫ్‌ సైన్సెస్‌కు ప్రధాన కేంద్రంగా హైదరాబాద్‌ మారింది. ప్రపంచ వ్యాక్సిన్‌ ఉత్పత్తిలో మూడో వంతు హైదరాబాద్‌ సరఫరా చేస్తోంది. జాతీయ ఫార్మా ఉత్పత్తిలో హైదరాబాద్‌ వాటా 35శాతం-మంత్రి కేటీఆర్‌.
  • యాదాద్రి: గుండాల మండలం సుద్దాల దగ్గర ప్రమాదం, కారు, బైక్‌ ఢీకొని ఇద్దరు మృతి, ఒకరికి తీవ్రగాయాలు.
  • విజయవాడ: ఎమ్మార్వో వనజాక్షిపై టూటౌన్ పీఎస్‌లో ఫిర్యాదు, తమను కులం పేరుతో దూషించిందని ఫిర్యాదు చేసిన మహిళా రైతులు.
  • మహబూబాబాద్: పోడు భూముల ఆక్రమణదారులకు కలెక్టర్‌ హెచ్చరిక. 10 ఎకరాలకు మించి పోడు భూములు ఆక్రమించిన 119 మంది. ఆక్రమణదారుల్లో ప్రభుత్వ ఉద్యోగులు, నేతలు, కుల సంఘాల నేతలు. భూములు వెంటనే తిరిగి అప్పగించాలని కలెక్టర్ ఆదేశం. లేదంటే కఠిన చర్యలు తీసుకుంటామని కలెక్టర్ హెచ్చరిక.
  • ప్రాణం తీసిన సెల్ఫీ. కృష్ణాజిల్లా: నూజివీడులో విషాదం. సూరంపల్లి కాలువ దగ్గర సెల్ఫీ దిగేందుకు యువకుడు యత్నం. ప్రమాదవశాత్తు కాలువలో పడి యువకుడు మృతి. బీటెక్‌ ఫైనల్‌ ఇయర్‌ చదువుతున్న పవన్‌.

భారత్‌పై దాయాది కుట్రలు..తప్పని భంగపాటు

Pakistan Asks UN Security Council To Meet Over India's Move In Kashmir, భారత్‌పై దాయాది కుట్రలు..తప్పని భంగపాటు

ఆర్టికల్‌ 370 రద్దుని, జమ్మూ కశ్మీర్‌ విభజనను పాకిస్తాన్‌ ఇప్పటికి కూడా జీర్ణించుకోలేకపోతోంది. భారత్‌ను అంతర్జాతీయ సమాజం ముందు దోషిగా నిలబెట్టాలని శతవిధాలా ప్రయత్నిస్తోంది. కాశ్మీర్‌ అంశంలో రోజుకో దేశాన్ని ఆశ్రయిస్తూ మద్దతు కోరుతూ భంగపడుతోంది. ఈ నేపథ్యంలోనే పాకిస్తాన్‌ మరో మారు ఐరాసను ఆశ్రయించింది. జమ్ముకశ్మీర్‌ అంశంపై భారత్‌ తీసుకున్న నిర్ణయంపై అత్యవసర సమావేశాన్ని నిర్వహించాలని ఐక్యరాజ్య సమితి భద్రతా మండలికి లేఖ రాసింది. ఈ మేరకు పాకిస్తాన్‌ విదేశాంగ శాఖ మంత్రి షా మహమూద్‌ ఖురేషీ యూఎన్‌ఎస్‌సీ అధ్యక్షుడు జొవాన్న రొనెక్కాకు లేఖ రాసినట్లుగా పాక్‌ మీడియా వెల్లడించింది.

ఇదిలా ఉంటే మరోవైపు పాకిస్తాన్‌ ప్రధానమంత్రి ఇమ్రాన్‌ ఖాన్‌ కూడా సంచలన నిర్ణయం తీసుకున్నట్లుగా తెలుస్తోంది. ఇక మీద భారత్‌తో ఎలాంటి సత్సంబంధాలు కొనసాగించేది లేదని తేల్చుకున్నట్లుగా సమాచారం. అంతర్జాతీయ వేదికగా భారత్‌పై విషం చిమ్మేందుకు కుట్రపూరితంగా ప్రణాళికలను సిద్ధం చేసుకుంటున్నట్లు సమాచారం. ఈ మేరకు పాక్‌ ప్రధాని ఇమ్రాన్‌ ఖాన్‌ అధ్యక్షతన జాతీయ భద్రతా కమిటీ ఒక సమావేశాన్ని ఏర్పాటు చేసుకున్నట్లు తెలుస్తోంది. పాక్‌ నుండి భారత రాయబారిని బహిష్కరించి, భారత్ నుండి పాక్‌ రాయబారిని వెనక్కి రప్పించేందుకు సిద్ధమైనట్లు సమాచారం.