Breaking News
  • ఢిల్లీ: జాతినుద్దేశించి ప్రధాని మోదీ ప్రసంగం. కోవిడ్‌ విజృంభణ తర్వాత ఏడోసారి ప్రధాని మోదీ ప్రసంగం. దేశంలో మరణాల రేటు తక్కువగా ఉంది. ఈ పరిస్థితిని ఇలాగే కొనసాగిద్దాం-ప్రధాని మోదీ. కరోనాను ఎదుర్కోవడంతో అగ్రదేశాల కంటే భారత్‌ మెరుగ్గా ఉంది. 10 లక్షల కేసుల్లో 83 మరణాలు మాత్రమే సంభవిస్తున్నాయి. అత్యంత అప్రమత్తంగా ఉండాల్సిన సమయం ఇది-మోదీ. ఏ మాత్రం ఆదమరిచినా ఇబ్బందులు తప్పవు-మోదీ. 10 లక్షల మందిలో ఐదున్నర వేల మందికే కరోనా సోకింది. కరోనాపై పూర్తి విజయం సాధించే వరకు పోరాటం ఆపొద్దు. కరోనా పరీక్షల కోసం 2 వేల ల్యాబ్‌లు పనిచేస్తున్నాయి. వైద్యులు, వైద్య సిబ్బంది సేవా భావంతో పనిచేస్తున్నారు. భౌతిక దూరం పాటించండి.. మాస్కులు ధరించండి-మోదీ. మీరు.. మీ కుటుంబాలు సురక్షితంగా ఉండాలి-ప్రధాని మోదీ. త్వరలోనే కరోనా పరీక్షల సంఖ్య 10 కోట్లు దాటిపోతుంది-మోదీ.
  • విజయవాడ: సీపీ కార్యాలయ ఉద్యోగి మహేష్‌ హత్య కేసు. మహేష్‌ హత్య కేసులో ముగ్గురు నిందితుల అరెస్ట్‌. పదో తేదీ రాత్రి 10 గంటలకు మహేష్‌ను కాల్చి చంపారు. కేసులో కీలక ఆధారాలు లభించాయి. గన్‌కు సంబంధించిన వివరాలు సేకరించాం. సాకేత్‌రెడ్డి, గంగాధర్‌ కలిసి మహేష్‌ హత్య చేశారు. సాకేత్‌ లాక్‌డౌన్‌లో గయ వెళ్లి గన్‌ను కొనుగోలు చేశాడు. -విజయవాడ సీపీ శ్రీనివాసులు. బాలుడిని కిడ్నాప్‌ చేసి డబ్బులు డిమాండ్‌ చేద్దామని సందీప్‌ స్కెచ్‌. సందీప్‌ను హైదరాబాద్‌ నుంచి సాకేత్‌ పిలిపించాడు.
  • ఏపీలో కొత్తగా 3,503 కరోనా కేసులు, 28 మంది మృతి. ఏపీలో మొత్తం 7,89,553 కేసులు, 6,481 మంది మృతి. ఏపీలో 33,396 యాక్టివ్‌ కేసులు, 7,49,676 మంది డిశ్చార్జ్‌.
  • విజయవాడ: ఈ రోజు 11,981 మంది దుర్గమ్మను దర్శించుకున్నారు. ఈ రోజు సా.6 గంటల వరకు రూ.14,54,345 ఆదాయం వచ్చింది. రేపు 13 వేల మందికి అమ్మవారి దర్శనం కల్పిస్తాం. రేపు తె.3 గంటల నుంచి రా.9 గంటల వరకు దర్శనాలు. రేపు మ.3 గంటలకు అమ్మవారికి సీఎం జగన్‌ పట్టువస్త్రాలు సమర్పిస్తారు. -దుర్గగుడి ఈవో సురేష్‌బాబు.
  • హైదరాబాద్‌ ముంపు సమస్యమీద విస్తృతమైన చర్చ జరగాలి. టీవీ9 ఓ వెబినార్‌ పెడితే అందరి అభిప్రాయాలు తెలుస్తాయి. హైదరాబాద్‌లో ఎన్డీఎంఏ రిపోర్ట్‌ ఎందుకు అమలు కావడం లేదు. ఫిరంగినాలా ఆక్రమణే పాతబస్తీ మునిగేందుకు కారణం. -బిగ్‌ డిబేట్‌లో పర్యావరణవేత్త ప్రొఫెసర్‌ పురుషోత్తంరెడ్డి.
  • తుంగభద్ర పుష్కరాలు ప్రారంభించాలని సీఎం జగన్‌కు ఆహ్వానం. సీఎంను ఆహ్వానించిన మంత్రాలయం రాఘవేంద్రస్వామి మఠం ప్రతినిధులు.
  • శ్రీశైలం ప్రాజెక్టుకు కొనసాగుతున్న వరద, 10 గేట్లు ఎత్తివేత. ఇన్‌ఫ్లో 3,26,466 క్యూసెక్కులు, ఔట్‌ఫ్లో 4,03,188 క్యూసెక్కులు. పూర్తిస్థాయి నీటినిల్వ 215 టీఎంసీలు. ప్రస్తుత నీటినిల్వ 211 టీఎంసీలు.

ఆంధ్రా కాంగ్రెస్ కు ఆశావహుల క్యూ

, ఆంధ్రా కాంగ్రెస్ కు ఆశావహుల క్యూ

 

విజయవాడ :
ఆంధ్రప్రదేశ్ లో ఎన్నికల కోలాహలం మొదలవబోతుంది. అభ్యర్థుల ఎంపికకు కాంగ్రెస్‌ మొదట్నుంచి అవలంభిస్తున్న దరఖాస్తుల స్వీకరణ కార్యక్రమం మొదలెట్టింది. ఈనెల ఏడో తేదీ నుంచి పదో తేదీ వరకు మచిలీపట్నంలో ఆశావహుల నుంచి దరఖాస్తులను స్వీకరించారు. విజయవాడ, మచిలీపట్నం పార్లమెంటు నియోజకవర్గాలకు 18 మంది దరఖాస్తులు చేసుకోగా, 16 అసెంబ్లీ నియోజకవర్గాలకు 98 మంది అభ్యర్థులు దరఖాస్తులు చేసుకున్నారు.

, ఆంధ్రా కాంగ్రెస్ కు ఆశావహుల క్యూ

దరఖాస్తుల ద్వారా పార్టీకి రూ.2.86 లక్షల నిధి సమకూరింది. రాష్ట్ర విభజనతో 2014లో చాలాచోట్ల డిపాజిట్లు గల్లంతైన కాంగ్రెస్ కు ఈ రేంజ్ లో దరఖాస్తులు రావడంపై అగ్రనేతలు ఆనందంతో ఉన్నారు. గతంలో మహిళా కాంగ్రెస్ రాష్ట్ర అధ్యక్షురాలిగా వ్యవహరించిన సుంకర పద్మశ్రీ విజయవాడ పార్లమెంట్‌కు పోటీ చేయాలనుకుంటున్నారు. విజయవాడ సెంట్రల్‌ నియోజకవర్గ టికెట్‌ను పార్టీ నగర కమిటీ అధ్యక్షుడు గురునాథం ఆశిస్తున్నారు. పార్టీ జిల్లా ఇంచ్ఛార్జ్ ధనేకుల మురళి ఎన్నికలకు దూరంగా ఉండనున్నట్లు తెలుస్తోంది. ఆంధ్రరత్న భవన్‌లో సోమవారం జరిగిన పీసీసీ సమన్వయ కమిటీ సమావేశంలో దరఖాస్తుల స్వీకరణకు గడువును పెంచుతూ నిర్ణయం తీసుకున్నారు. ఈనెల 15వ తేదీ వరకు దరఖాస్తుల స్వీకరిస్తారు.

దరాఖాస్తులన్నింటిని పరిశీలించిన డీసీసీ అధ్యక్షుడు కొన్ని పేర్లను పీసీసీకి పంపుతారు. అక్కడ పరిశీలన కమిటీ అభ్యర్థుల దరఖాస్తులను పరిశీలించి ఏఐసీసీ కమిటీకి పంపుతుంది. అక్కడ ఫైనల్ జాబితా ఖరారవుతుంది. మరి దరఖాస్తు చేసుకున్న అభ్యర్థుల్లో ఎవరికి హస్తం అభయం ఇస్తుందో తెలియాలంటే మరికొన్ని రోజులు వెయిట్ చేయాలి.

Related Tags