Viral Video: గేటు ముందు పార్కింగ్ చేసిన కారు.. ఆగ్రహించిన రైతు.. ఊహించని రీతిలో షాక్ ఇచ్చాడు.. ఏకంగా..

Viral Video: చిన్న చిన్న విషయాలకే ప్రజలు తీవ్రమైన ఆగ్రహానికి గురవుతుంటారు. ఆ ఆగ్రహంలో విచక్షణ కోల్పోయి వస్తువలను ధ్వంసం చేయడమో.. మనుషులపై దాడికి పాల్పడటమో చేస్తుంటారు. కానీ, ఇక్కడ ఓ రైతు ఆగ్రహంతో రగిలిపోయి ఏకంగా ఓ కారునే ధ్వంసం చేశాడు. తన క్రాక్టర్‌తో పల్టీలు కొట్టిస్తూ రోడ్డు అవతలికి లాగి పడేశాడు. కారు యజమాని అతన్ని అడ్డుకునే ప్రయత్నం చేసినప్పటికీ ఎలాంటి ఫలితం లేకుండాపోయింది. ఈ ఘటనకు సంబంధించిన వీడియో ఇప్పుడు సోషల్ మీడియాలో తెగ వైరల్‌ అవుతోంది. ఇంతకీ ఏం జరిగిందంటే..

నార్త్ ఈస్ట్ ఇంగ్లాండ్ లోని డర్హామ్ ప్రాంతంలో బర్నార్డ్ కాజిల్ సమీపంలో కొన్ని కార్డు నిలిపి ఉంచారు. ఓ కారు గేటుకు అడ్డంగా ఉంది. అది చూసిన రైతు ఆగ్రహంతో ఊగిపోయాడు. తన ట్రాక్టర్‌తో వచ్చి కారును ఢీకొన్నాడు. అక్కడే ఉన్న కారు యజమాని ఆ ట్రాక్టర్‌ను అడ్డుకునేందుకు ప్రయత్నించాడు. అయినప్పటికీ ఆగకుండా కారును పల్టీలు కొట్టిస్తూ రోడ్డు బయటకు ఈడ్చి పడేశాడు. ఆ సమయంలో కారు ఓనర్ దానిని నిలువరించేందుకు చాలా ప్రయత్నించాడు. కొంచెం అయితే ఆ ట్రాక్టర్ కిందే పడేవాడు. అదృష్టావశాత్తు బయటపడ్డాడు. చివరికి కారును రోడ్డు అవతలికి నెట్టివేసి ఆ రైతు తన ట్రాక్టర్‌తో యధావిధిగా వ్యవసాయక్షేత్రంలోకి వెళ్లిపోయాడు. అయితే ఈ ఘటనను అంతా అక్కడే ఉన్న కొందరు వీడియో రికార్డ్ చేశారు. అనంతరం ఆ వీడియోను సోషల్ మీడియాలో పోస్ట్ చేశారు. దాంతో ఆ వీడియో కాస్తా.. వైరల్‌గా మారింది.

కాగా, ఈ ఘటనపై కారు యజమాని పోలీసులకు కంప్లయింట్ ఇవ్వడంతో వారు రంగంలోకి దిగారు. కేసు నమోదు చేసి ఎంక్వైరీ చేస్తున్నారు. ఈ ఘటన జూన్ 5 సాయంత్రం 5.45 గంటల సమయంలో జరిగిందని పోలీసులు తెలిపారు. ఈ వీడియో వైరల్ అవగా.. నెటిజన్లు దీనిపై రకరకాలుగా స్పందిస్తున్నారు. కొందరు రైతుని నిందిస్తే.. మరికొందరు కారు యజమానిని నిందిస్తున్నారు.

Virla Video:

Also read:

యంగ్ హీరో నిఖిల్ ఖాతాలో మరో మూడు సినిమాలు.?బిజీ బిజీ గా యంగ్ హీరో :Nikhil Siddharth Video.