Viral: వామ్మో! ఈ కి’లేడి’ మహా ముదురు.. ఏకంగా ప్రైవేట్ పార్టులోనే దాచిపెట్టేసిందిగా.. అది చూసి పోలీసుల అవాక్!
సినిమాల ప్రభావం జనాల మీద ఎంతుందో తెల్దు గానీ.. పంచ్ డైలాగుల ప్రభావం మాత్రం గట్టిగానే ఉంది.. ఈ డైలాగ్ మీరు వినే ఉంటారు..
సినిమాల ప్రభావం జనాల మీద ఎంతుందో తెల్దు గానీ.. పంచ్ డైలాగుల ప్రభావం మాత్రం గట్టిగానే ఉంది.. ఈ డైలాగ్ మీరు వినే ఉంటారు.. పంచ్ డైలాగుల మాట అటుంచితే.. సినిమాల ప్రభావం మాత్రం డ్రగ్స్ అక్రమ రవాణా చేసే అక్రమార్కులపై గట్టిగానే ఉంది. రోజురోజుకూ తమ క్రియేటివిటీకి పదునుపెడుతూ పోలీసులను విస్మయానికి గురి చేస్తున్నారు. తాజాగా విదేశాల నుంచి డ్రగ్స్‌ను గుట్టు చప్పుడు కాకుండా తీసుకొస్తున్న ఓ మహిళను చాకచక్యంగా పట్టుకున్నారు కస్టమ్స్ అధికారులు.
వివరాల్లోకి వెళ్తే.. ఢిల్లీలోని ఇందిరా గాంధీ ఇంటర్నేషనల్ ఎయిర్‌పోర్ట్‌లో ఉగాండా నుంచి వచ్చిన ఓ మహిళా ప్రయాణికురాలి దగ్గర భారీ మొత్తంలో డ్రగ్స్‌ను కస్టమ్స్ అధికారులు స్వాధీనం చేసుకున్నారు. ఎయిర్‌పోర్ట్‌లో దిగిన ఆమె కదలికలు అనుమానాస్పదంగా కనిపించడంతో.. అధికారులు అదుపులోకి తీసుకుని సదరు మహిళకు వైద్య పరీక్షలు నిర్వహించారు. అనంతరం ఆమె ప్రైవేటు పార్ట్‌లో హెరాయిన్‌ను దాచి ఉంచిన‌ట్లు గుర్తించారు. ఆ మహిళ ఉగాండా నుంచి షార్జా మీదుగా ఢిల్లీ వచ్చినట్లు తెలుస్తోంది. కస్టమ్స్ అధికారులు స్వాధీనం చేసుకున్న హెరాయిన్ దాదాపు రూ. 6 కోట్ల వరకు ఉంటుందని సమాచారం. కాగా, నార్కోటిక్ యాక్ట్ కింద ఆమెపై కస్టమ్స్ అధికారులు కేసు నమోదు చేశారు.