Noorjahan Mango: ‘నూర్జహాన్’ మామిడి.. ధర తెలిస్తే షాకే.. ఇంతకీ ఆ మ్యాంగో స్పెషల్ ఏంటంటే.!
అందరూ ఎంతగానో ఇష్టపడే నోరూరించే మామిడి పండు ధర మహా అయితే ఒకటి 20 రూపాయలు ఉంటుంది. అపురూపంగా లభించే కొన్ని రకాల..
మామిడి పండ్లు.. పండ్లకు రారాజు అంటుంటారు. వేసవి వచ్చిందంటే చాలు.. మార్కెట్‌లో ఎక్కడ చూసినా మామిడి పండ్లే కనిపిస్తాయి. సీజన్ కావడంతో ప్రజలు ఎక్కువగా కొనుగోలు చేస్తున్నారు. కేవలం ఎండాకాలంలో మాత్రమే లభించే ఈ పండు ఆరోగ్యానికి ఎంతో మేలు చేస్తుంది. సహజంగా మామిడి పండు ధర మహా అయితే ఒకటి రూ. 20 ఉంటుంది. అదే మేలు రకం జాతి పండ్లు అయితే కాసింత ధర ఎక్కువ పలుకుంతుంది. కానీ మధ్యప్రదేశ్‌ రాష్ట్రంలో మాత్రమే పండే ఓ మామిడి పండు ధర మాత్రం ఆకాశాన్ని అంటుతోంది. ఆ మామిడి ఒక్కొక్కటి దాదాపు రూ. 500-1000 వరకు ధర పలుకుతుండటం గమనార్హం. ఆ వివరాలు ఇలా ఉన్నాయి.
మధ్యప్రదేశ్‌లోని అలీరాజ్‌పూర్ జిల్లాలో మాత్రమే పండే ‘నూర్జహాన్’ మామిడి పండ్లు చాలా ప్రత్యేకమైనవి. జనవరి నెలలో పూతకు వచ్చే ఈ రకం పండ్లు జూన్ నెలలో లభిస్తాయి. ఈ మామిడి పండ్లు ఒక్కొక్కటి రూ. 500-1000 వరకు పలుకుతాయని అక్కడి రైతులు చెబుతున్నారు. ఈ మామిడి ఒకటి రెండున్నర నుంచి మూడు కిలోల వరకు తూగుతుందని అక్కడి స్థానికులు అంటున్నారు. వాటి సైజ్ పెద్దదిగా ఉండటమే కాకుండా పూతకు వచ్చినప్పుడే వినియోగదారులు బుక్ చేసుకుంటుండటంతో ధర దాదాపు 1000 రూపాయలు పలుకుతుందని అంటున్నారు.
అఫ్ఘానిస్థాన్ ప్రాంతానికి చెందిన ఈ నూర్జహాన్ మామిడిని గుజరాత్ సరిహద్దుకు ఆనుకుని ఉన్న అలీరాజ్‌పూర్ జిల్లా కత్తివాడ ప్రాంతంలో మాత్రమే సాగు చేస్తారు. గత ఏడాది వాతావరణం బాగోకపోవడంతో నూర్జహాన్ చెట్లకు సరిగ్గా పూత పూయలేదని.. ఈ ఏడాది పంట బాగున్నా కోవిడ్ కారణంగా వ్యాపారం అంతంతమాత్రంగానే జరుగుతుండటంతో రైతులు దిగాలుగా ఉన్నారు.
Also Read:
ప్రతీ నెలా రూ. 3810 డిపాజిట్ చేస్తే.. మీ కూతురు కోసం రూ. 27 లక్షలు పొందొచ్చు.. పూర్తి వివరాలు..
కరీంనగర్‌లో అరుస్తున్న పాము.? అసలు ఇందులో నిజమెంత..
టీమిండియా చరిత్రలో చెత్త మ్యాచ్.. జీరోకి నాలుగు వికెట్లు.. ఆ ఇంగ్లీష్ బౌలర్ ఎవరంటే.?
తెలుగు బిగ్ బాస్ సీజన్ 5కు ముహూర్తం ఫిక్స్.! కంటెస్టెంట్స్ వీరేనా.!!
ఎస్‌బీఐ ఖాతాదారులకు గుడ్ న్యూస్.. అమలులోకి కొత్త రూల్స్.. విత్‌డ్రా పరిమితి పెంపు..