Co-WIN Slot Notifier: కరోనా వ్యాక్సిన్ రిజిస్ట్రేషన్.? స్లాట్ ఖాళీల కోసం ఈ సైట్లు సందర్శించండి.!

Co-WIN Slot Notifier: కోవిడ్ వ్యాక్సిన్ కోసం రిజిస్ట్రేషన్ చేసుకోవాలనుకుంటున్నారా.? కోవిన్ యాప్ లో రిజిస్ట్రేషన్ కు స్లాట్లు ఖాళీగా లేవని సందేశం వస్తోందా.? అయితే టెన్షన్ పడకండి ఈ వెబ్ సైట్లు సందర్శిస్తే చాలు వ్యాక్సిన్ రిజిస్ట్రేషన్ స్లాట్, ఎప్పుడు.? ఎక్కడ ఖాళీగా ఉందో తెలిసిపోతుంది.

ప్రస్తుతం దేశంలో కరోనా సెకండ్ వేవ్ విజృంభిస్తోంది. ఈ నేపధ్యంలో మహమ్మారిని కట్టడి చేసేందుకు అందరూ వ్యాక్సిన్ వేయించుకోవాలని కేంద్ర ప్రభుత్వం చెబుతోంది. ఈ క్రమంలోనే మే 1వ తేదీ నుంచి 18 ఏళ్లు పైబడిన వారికి కూడా కరోనా వ్యాక్సిన్ అందించేందుకు కేంద్రం ఆమోదం తెలిపిన విషయం తెలిసిందే.

దీని కోసం ఏప్రిల్ 28వ తేదీ నుంచే రిజిస్టర్ చేసుకోవచ్చునని చెప్పడంతో.. అందరూ ఒకేసారి కోవిన్ యాప్ పై పడటంతో అది కాస్తా క్రాష్ అయింది. ప్రస్తుతం చాలామంది కోవిడ్ వ్యాక్సిన్ రిజిస్ట్రేషన్ కోసం ఎగబడుతున్నారు. ఇక యాప్ ఓపెన్ చేయగానే రిజిస్ట్రేషన్ స్లాట్ ఖాళీ లేదని కనిపిస్తోంది.

దీనితో రంగంలోకి దిగిన కొంతమంది టెక్నికల్ నిపుణులు ఈ సమస్య కోసం పలు వెబ్ సైట్లను రూపొందించారు. ఈ సైట్లు వ్యాక్సిన్ రిజిస్ట్రేషన్ స్లాట్, ఎప్పుడు.? ఎక్కడ ఖాళీగా ఉంటాయో చెబుతాయి. ఈ వెబ్ సైట్లలో రిజిస్టర్ అయినవారికి నోటిఫికేషన్ అలెర్ట్ కూడా వస్తుంది. లేట్ ఎందుకు మీరు కూడా ఆ సైట్లలో రిజిస్టర్ అవ్వండి.

ఆ సైట్ల వివరాలు ఇలా ఉన్నాయి..

• కోవిడ్‌-19 వ్యాక్సిన్‌ ట్రాకర్‌ ఫర్‌ ఇండియా
• అండర్‌45.ఇన్‌(Under45.in)
• గెట్‌జ్యాబ్‌.ఇన్‌(Getjab.in)
• ఫైండ్‌ స్లాట్‌.ఇన్‌(FindSlot.in)

Also Read: Viral: ఆకలి మీదున్న సింహం వేట.. నోటికి చిక్కిన అడవి దున్న.. గగుర్పొడిచే దృశ్యాలు..