పట్టపగలే యువతిపై దొంగదాడి.. చోద్యం చూస్తూ వీడియోలు తీసిన స్థానికులు..
ఆ దృశ్యాలను సెల్‌ఫోన్‌లో చిత్రీకరించిన జనంపై నెటిజన్లు మండిపడుతున్నారు. దొంగ సరే... మనుషుల్లో దాగున్న అమానవీయ కోణాన్ని ఈ దృశ్యాలు బయటపెడుతున్నాయి.
తమిళనాడులో ఓ దొంగ హల్‌చల్‌ చేశాడు. తమిళనాడులోని తిరుచ్చిలో బైక్‌ని ఎత్తుకెళ్ళేందుకు ఓ యువతిపై దాడిచేశాడు దొంగ. అయితే అంతటితో ఆగలేదు. దొంగ దాడిలో తీవ్రంగా గాయపడ్డ ఆ యువతిని అందరూ చూస్తుండగానే ఈడ్చుకెళ్ళి నడిరోడ్డుపై పడేశాడు. అపస్మారక స్థితిలో పడి ఉన్న యువతి మెడలో నుంచి గొలుసు, ఆమె దగ్గరున్న సెల్‌ఫోన్‌, ఆమె నడుపుతోన్న బైక్‌ని తీసుకొని ఎంచక్కా పారిపోయాడు దొంగ. నడిరోడ్డుపై ఓ యువతిపై దాడిచేసిన దృశ్యాలు స్థానికంగా కలకలం రేపుతున్నాయి. పట్టపగలే… అందరూ చూస్తుండగానే జరిగిన ఈ ఘటనలో దొంగ ప్రవర్తన ఒక ఎత్తైతే…జనం ప్రవర్తన మరింత ఆశ్చర్యాన్ని కలిగిచింది.
పట్టపగలే చోరీకి పాల్పడ్డ దొంగోడి ప్రవర్తన ఆందోళనకలిగిస్తోంటే… జరుగుతున్న దారుణాన్ని ఆపకుండా… తీరిగ్గా చావుబతుకుల్లో ఉన్న ఆ యువతిని రోడ్డుపై ఈడ్చుకెళుతుంటే అడ్డుకోకుండా….ఆ దృశ్యాలను సెల్‌ఫోన్‌లో చిత్రీకరించిన జనంపై నెటిజన్లు మండిపడుతున్నారు. దొంగ సరే… మనుషుల్లో దాగున్న అమానవీయ కోణాన్ని ఈ దృశ్యాలు బయటపెడుతున్నాయి.
సోషల్ మీడియాలో ఈ ఘటన కి సంబంధించిన వీడియోలు వైరల్‌ అవుతున్నాయి. వీడియోలో ఉన్న యువకుడి కోసం పోలీసులు గాలిస్తున్నారు. కానీ, ఆ వీడియోలు మాత్రం ఇప్పుడు నెట్టింట వైరల్‌ అవుతున్నాయి.