సురేష్ రైనా బంధువు హత్యపై దర్యాప్తునకు ‘సిట్’ ఏర్పాటు

క్రికెటర్ సురేష్ రైనా బంధువు అశోక్ కుమార్ దారుణ హత్యపై దర్యాప్తు కోసంపంజాబ్ సీఎం కెప్టెన్ అమరేందర్ సింగ్ ఆదేశాలమేరకు ‘సిట్’ బృందాన్ని ఏర్పాటు చేశారు. గత నెల 20 న పఠాన్ కోట్ లో దోపిడీ దొంగలు అశోక్ కుమార్ కుటుంబంపై  దాడి చేశారు. ఆ దాడిలో తీవ్రంగా గాయపడిన  అశోక్ కుమార్ కొడుకు కౌశల్ ఆసుపత్రిలో చికిత్స పొందుతూ నిన్న మరణించారు. అటు ఈ కుటుంబ సభ్యుల్లో  మరో ఇద్దరి పరిస్థితి విషమంగా ఉంది. ఈ దారుణ ఘటనపై సురేష్ రైనా..దుండగులను వెంటనే అరెస్టు చేయాలని ప్రభుత్వాన్ని కోరుతూ ట్వీట్ చేశారు. దీనిపై స్పందించిన సీఎం అమరేందర్ సింగ్.. వెంటనే సిట్ ఏర్పాటు చేస్తున్నట్టు ప్రకటించారు. మీ కుటుంబానికి అండగా ఉంటామని హామీ ఇచ్చారు.