Mysterious Fever: చిన్నారులను వెంటాడుతున్న మరో అంతుచిక్కని జ్వరం.. 48 గంటల్లో 50 మంది మృతి..

Scrub Typhus Symptoms

వర్షాకాలం రావడంతో మాయదారి జ్వరాలు ముప్పేట దాడి చేస్తున్నాయి. మొన్నటి వరకు కోవిడ్ వణుకు పుట్టిస్తే.. ప్రస్తుతం అంతుచిక్కని జ్వరాలు ఆందోళన రేపుతున్నాయి. కోవిడ్‌కి తోడు కొత్త రకం జ్వరం పట్టి పీడిస్తోంది. కొవిడ్‌ వైరస్సా లేక వైరల్‌ ఫీవరా? అనేది తెలియక ప్రజలు భయాందోళన చెందుతున్నారు. ఏ జ్వరమో తెలుసుకునేందుకు ఒకదాని తర్వాత మరొకటి.. వ్యాధి నిర్ధారణ పరీక్షలకే తడిసి మోపడవుతోంది. వర్షాకాలం రావడంతో దోమల ద్వారా వ్యాపించే వ్యాధులు పెరగడం ప్రారంభమవుతుంది. డెంగ్యూ, చికున్‌గున్యా , మలేరియా అటువంటి ప్రాణాంతక వ్యాధులు. ఈ రోజుల్లో ఉత్తరప్రదేశ్‌లోని వివిధ జిల్లాలలో డెంగ్యూ, చికున్‌గున్యా , మలేరియా వ్యాప్తి చెందుతున్నాయి. అంతు చిక్కని జ్వరం రావడంతో పిల్లలు చనిపోతున్నారు. ప్రభుత్వ లెక్కల ప్రకారం ఇప్పటికే 50 మంది పైగా చనిపోయినట్లుగా తెలుస్తోంది. ఉత్తర్ ప్రదేశ్‌లోని ఫిరాజాబాద్‌లో ఆస్పత్రులు జ్వరం బాధితులతో నిండిపోతున్నాయి.

ఇప్పటివరకు డెంగ్యూ, అంతు చిక్కని జ్వరంతో 50 మంది మరణించారని ఫిరోజాబాద్ చీఫ్ మెడికల్ ఆఫీసర్ (ACMO) దినేష్ కుమార్ వెల్లడించారు. ఇప్పటి వరకు మొత్తం  3,719 మంది రోగులు చికిత్స పొందుతున్నారు. వీరిలో 2,533 మంది జ్వరంతో బాధపడుతున్నారు. అదే సమయంలో మధుర, ఝాన్సీ, ఒరయ్య సహా అనేక జిల్లాల్లో పరిస్థితి తీవ్రంగా ఉంది. ముఖ్యమంత్రి యోగి ఆదిత్యనాథ్ జిల్లాలో పర్యటించి ప్రత్యేక ఆరోగ్య శిబిరాలను ఏర్పాటు చేయాలని ఆదేశించారు.

అంతుచిక్కని జ్వరం ఎలా వస్తోంది ?

ఈ అంతుచిక్కని ప్రాణాంతక జ్వరం అందరిలో ఆందోళనకు గురి చేస్తోంది. ఓ వైపు కరోనా వైరస్ సంక్రమణ ఇంకా ముగియలేదు. రాష్ట్రవ్యాప్తంగా 60 మందికి పైగా మరణించిన ఈ అంతు చిక్కని జ్వరం స్క్రబ్ టైఫస్‌గా వైద్యులు పిలుస్తున్నారు. చిగ్గర్లు అంటే లార్వా పురుగుల కాటు ద్వారా ఈ జ్వరం వ్యాప్తి చెందుతోందని ప్రథమికంగా యూపీ వైద్యులు గుర్తించారు. ఫిరోజాబాద్‌లో అత్యధికంగా ఈ జ్వరం కేసులు నమోదవుతుండగా ఆగ్రా, మెయిన్‌పురి, ఎటా, ఝాన్సీ, ఈరయ్య, కాన్పూర్, సహరాన్‌పూర్, కస్గంజ్‌లో కూడా ఇటువంటి కేసులు నమోదయ్యాయి.

స్క్రబ్ టైఫస్ జ్వరం ఎలా వ్యాపిస్తుంది?

సెంటర్స్ ఫర్ డిసీజ్ కంట్రోల్ అండ్ ప్రివెన్షన్ (CDC) ప్రకారం స్క్రబ్ టైఫస్ జ్వరాన్ని స్క్రబ్ టైఫస్ అని కూడా అంటారు. ఈ వ్యాధికి ఓరియెంటా సుత్సుగముషి అనే బ్యాక్టీరియా కారణమవుతుంది. ఈ బ్యాక్టీరియా సోకిన చిగ్గర్స్ (లార్వా పురుగులు) కాటు ద్వారా వ్యాపిస్తుంది. ఈ బ్యాక్టీరియా శరీరంలోకి ప్రవేశించడం ఒక వ్యక్తిని అనారోగ్యానికి గురి చేస్తుంది. చిగ్గర్లు కాటు వేసిన 10 రోజుల్లో వ్యాధి తీవ్రంగా మారడం ప్రారంభమవుతుంది.

ఈ వ్యాధి లక్షణాలు ఏమిటి?

స్క్రబ్ టైఫస్ లక్షణాలు సాధారణంగా 10 రోజుల్లో కనిపిస్తాయి. ఓరియెంటా సుత్సుగముషి బ్యాక్టీరియా సోకిన చిగ్గర్స్ కాటు , లక్షణాలు కనిపించడం ప్రారంభించిన 10 రోజుల్లో ఇన్‌ఫెక్షన్ వ్యాప్తి చెందుతాయి.

దీని లక్షణాలు:

• వ్యాధి సోకిన వ్యక్తిలో జ్వరం
• జలుబు
• తలనొప్పి
• శరీరం, కండరాల నొప్పులు
• చిరాకుగా ఉండాలి
• శరీరంపై దద్దుర్లు

ప్రత్యేక ఆరోగ్య శిబిరాలు నిర్వహించబడతాయి

ఈ వ్యాధి వ్యాప్తి చెందుతున్న దృష్ట్యా, ఆగ్రా, ఫిరోజాబాద్ జిల్లాలలో ప్రత్యేక ఆరోగ్య శిబిరాలు నిర్వహించాలని ముఖ్యమంత్రి యోగి ఆదిత్యనాథ్ ప్రిన్సిపల్ సెక్రటరీ (వైద్య విద్య) ను ఆదేశించారు. డెంగ్యూతో సహా వైరల్ వ్యాధుల చికిత్స కోసం కోవిడ్ రోగుల కోసం ఆక్సిజన్ సౌకర్యంతో ఐసోలేషన్ బెడ్‌లను ఉంచాలని సూచనలు కూడా ఇవ్వబడ్డాయి. ఆరోగ్య శాఖ బృందం ఈ ఏర్పాట్లలో నిమగ్నమై ఉంది.

ఫిరోజాబాద్‌లో, వైరల్ జ్వరం, డెంగ్యూ బాధితుల సంఖ్య నిరంతరం పెరుగుతోంది. వ్యాధి వ్యాప్తి సమయంలో నిర్లక్ష్యం కారణంగా జిల్లా మేజిస్ట్రేట్ చంద్ర విజయ్ సింగ్ గురువారం సాయంత్రం ముగ్గురు డాక్టర్లను సస్పెండ్ చేశారు. అతను చీఫ్ డెవలప్‌మెంట్ ఆఫీసర్ చచిత్ గౌర్‌ను నోడల్ ఆఫీసర్‌గా నియమించాడు. అవగాహన ప్రచారం నిర్వహించడం ద్వారా పరిస్థితిని నియంత్రించడానికి ప్రయత్నిస్తున్నాడు.

ఇవి కూడా చదవండి: Cooking Oil: సామాన్యులకు శుభవార్త.. దిగిరానున్న వంట నూనె ధరలు.. ఎప్పటి నుంచి అంటే..!

డుగ్గు డుగ్గు డ్యాన్స్‌తో అదరగొట్టిన టీఆర్‌ఆస్‌ ఎమ్మెల్యే.. ‘బుల్లెట్‌ బండి’ రాజయ్య స్టెప్పులు