సారా ఎంత కష్టపడిందో…!

సారా అలీ ఖాన్ పేరు వింటేనే గుర్తుకొచ్చేది ‘సింబా’..’లవ్‌ ఆజ్‌ కల్‌’.. సినిమాల్లో సన్నటి బంగారు తీగలావుండే ఓ ముద్దుగుమ్మ. ఈ సిమాలతో సక్కెస్‌ను మూటగట్టుకుంది. ఇంతకీ ఎవరా హీరోయిన్ అనుకుంటున్నారా? సైఫ్ అలీఖాన్, అమృతాసింగ్‌ల ముద్దుల కుమార్తె సారా అలీ ఖాన్. ఈ సక్సెస్‌కు ముందు తాను ఎలా ఉంది… ఆ తర్వాత ఎలా మారాను అంటూ ఇన్‌స్టాగ్రమ్‌లో ఓ వీడియోను పోస్ట్ చేసింది. ‘సారా కా సారా’ టు ‘సారా కా ఆదా’ అంటూ ఈ చిన్నది పెట్టిన వీడియో తెగ వైరల్‌గా మారింది.

ఒకప్పుడు 100 కిలోల భారీకాయంతో ముద్దుముద్దుగా ఉండే ఈ భామ సినిమాల్లోకి రావాలని భావించి తన బరువును కరిగించాలని ట్రాన్స్‌ఫార్మెషన్‌ శిక్షణ తీసుకోవడం ప్రారంభించిందంట. అందుకోసం వ్యాయామాలు చేయాలని నిర్ణయించుకొని శరీరాకృతిని అందంగా తీర్చిదిద్దుకొన్నది. తమ్ముడు ఇబ్రహీంతో కలిసి ఎలా వర్కవుట్స్ చేసిందో ఈ వీడియో చూపించింది. ఈత కొడుతూ.. ఇలా ఎన్నో విధాలుగా కష్టపడి సారా స్లిమ్‌గా మారింది. ప్రస్తుతం స్లిమ్‌గా, చూడగానే వావ్ అనేలా ఉంది సారా అలీఖాన్..మీరే చూడండి…