Prashant Kishor: ప్రశాంత్ కిషోర్ మంచివాడే, కానీ.. ఆయన టీమ్ జోక్యం సరికాదు.. కీలక వ్యాఖ్యలు చేసిన టీఎంసీ

Prasant Kishor

Prashant Kishor vs TMC: తృణమూల్ కాంగ్రెస్(Trinamool Congress) అధినేత్రి మమతా బెనర్జీ(Mamata Banerjee), రాజకీయ హకర్త ప్రశాంత్ కిషోర్ దాదాపు దూరమైనట్లే కనిపిస్తోంది. ప్రశాంత్ కిషోర్ టీమ్ I-PACతో టీఎంసీ(TMC) తన ఐదేళ్ల ఒప్పందాన్ని రద్దు చేసుకున్నట్లు పుకార్లు షికార్లు చేశాయి. అయితే, ఊహాగానాలకు వివరణ ఇస్తూ.. TMC ప్రధాన కార్యదర్శులు పార్థ ఛటర్జీ(Partha Chatterjee), సుబ్రతా బక్షి(Subrata Bakshi) ఎన్నికలను పర్యవేక్షిస్తారని మమతా బెనర్జీ పార్టీ కార్యకర్తలకు తెలియజేసినట్లు TMC నాయకుడు మదన్ మిత్రా అన్నారు. అధికారికంగా, I-PAC పనిచేయదని మాకు సర్క్యులర్ రాలేదు, కానీ పార్థ ఛటర్జీ, సుబ్రతా బక్షి అన్ని ఎన్నికలను పర్యవేక్షిస్తారని మదన్ మిత్రా చెప్పారు. ప్రస్తుతం జరుగుతున్న గోవా అసెంబ్లీ ఎన్నికలు, వచ్చే ఏడాది జరగనున్న త్రిపుర అసెంబ్లీ ఎన్నికలపై TMC ప్రత్యేక దృష్టి సారించింది .

ప్రశాంత్ కిషోర్ రాక TMC కారణానికి సహాయపడిందని, అయితే కొన్ని సమస్యలు కూడా ఉన్నాయని మిత్ర అన్నారు. I-PAC ప్రతి రంగంలో జోక్యం చేసుకున్నదని TMC నాయకుడు అన్నారు. మున్సిపల్ ఎన్నికల్లో టిక్కెట్లు I-PAC సలహా ప్రకారం ఉన్నాయి. కానీ వాటిపై భారీగా ఫిర్యాదులు ఉన్నాయి. మునిసిపల్ ఎన్నికల్లో సీట్ల పంపకాలపై పలువురు TMC నాయకులు ప్రశాంత్ కిషోర్‌పై అసంతృప్తి వ్యక్తం చేయడం ప్రారంభించిన తర్వాత దీని గురించి ఊహాగానాలు మొదలయ్యాయి. ప్రశాంత్ కిషోర్ జోక్యం ఈ నేతలకు ఇష్టం లేదు. అదే సమయంలో, ప్రశాంత్ కిషోర్ కూడా TMC నాయకుల తీరుతో సంతోషించకపోగా, వేరే దారిలో వెళ్లాలని నిర్ణయించుకున్నారు. ప్రశాంత్ ఇకపై పని చేయకూడదని మమతా బెనర్జీకి కూడా చెప్పినట్లు సమాచారం. అదే సమయంలో, మమత కూడా కృతజ్ఞతలు చెబుతూ, ముక్కుసూటిగా సమాధానం ఇచ్చినట్లు సమాచారం.

శుక్రవారం సాయంత్రం తృణమూల్ కాంగ్రెస్ ప్రధాన కార్యదర్శి పార్థ ఛటర్జీ, పార్టీ అధ్యక్షుడు సుబ్రతా బక్షి సంతకం చేసిన పార్టీ అభ్యర్థుల అధికారిక జాబితాను విడుదల చేయడంతో వివాదం చెలరేగింది. పార్టీ అధికారిక సోషల్ మీడియా హ్యాండిల్‌లో ప్రత్యేకంగా సంతకం చేయని అభ్యర్థుల జాబితా కనిపించింది. రెండు జాబితాలు ముగిసిన తర్వాత, రాష్ట్రంలోని వివిధ ప్రాంతాలలో నిరసనలు చెలరేగాయి. అనేక మంది అసంతృప్త కార్యకర్తలు వీధుల్లోకి వచ్చి టైర్లు తగలబెట్టడం, నినాదాలు చేయడం కనిపించింది.

కాగా యూపీ పర్యటనకు ముందు మమతా బెనర్జీ మాట్లాడుతూ, పార్థ ఛటర్జీ, సుబ్రతా బక్షి విడుదల చేసిన అభ్యర్థుల జాబితా ఫైనల్ అని అన్నారు. అందరినీ సంతోషపెట్టలేము. కొంత గందరగోళం ఉంది. వీటన్నింటితో పాటు, పార్టీ సభ్యుల మనోవేదనలను పరిశీలించడానికి సీనియర్ నాయకులతో సహా అన్ని జిల్లాల్లో సమన్వయ కమిటీలను ఏర్పాటు చేసినట్లు తృణమూల్ కాంగ్రెస్ సోమవారం ప్రకటించింది.

వాస్తవానికి రాష్ట్రంలోని 108 మున్సిపాలిటీలకు ఎన్నికలు జరగనున్నాయి. టిఎంసి ఇటీవల మొత్తం 2200 మంది అభ్యర్థులను స్థానిక ఎన్నికల కోసం ప్రకటించింది. అందులో 150 మందికి సంబంధించి ఇద్దరు నేతల మధ్య విభేదాలు వచ్చాయి. టీఎంసీ టిక్కెట్ల పంపిణీపై తిరుగుబాటును చూస్తోంది. కొన్ని చోట్ల ఇద్దరు నేతలు తామే అభ్యర్థులమని గోడ రాతలు రాసుకోవడం మొదలుపెట్టారు. ఇందుకు తృణమూల్ కాంగ్రెస్ ఎన్నికల సలహాదారు ప్రశాంత్ కిషోర్ కారణమని పార్టీ నాయకత్వంలోని ఒక వర్గం ఆరోపించింది. అయితే స్థానిక ఎన్నికలకు అభ్యర్థుల ఎంపికలో తమకు ఎలాంటి పాత్ర లేదని పీకే సంస్థ ఐ-పీఏసీ వర్గాలు తెలిపాయి. ఇదిలావుండగా, సోమవారం కొత్త అభ్యర్థుల జాబితాను కూడా పార్టీ విడుదల చేసింది. తృణమూల్ ప్రధాన కార్యదర్శి పార్థ ఛటర్జీ, రాష్ట్ర అధ్యక్షుడు సుబ్రతా బక్షి ప్రకటించిన అభ్యర్థుల జాబితా ఖరారైందని ముఖ్యమంత్రి మమతా బెనర్జీ తెలిపారు.

Read Also.. Pawan Kalyan : మరోసారి పవన్ కళ్యాణ్ సినిమా బాధ్యతలు తీసుకోనున్న మాటల మాంత్రికుడు..