వయసు 45.. ఇప్పటికే మూడు పెళ్లిళ్లు చేసుకుంది. ఐదుగురు కుమార్తెలూ ఉన్నారు. తాజాగా 21 ఏళ్ల ఓ యువకుడిని..
ఆమెకు 45 సంవత్సరాలు. ఇప్పటికి మూడు పెళ్లిళ్లు చేసుకుంది. ఐదుగురు కుమార్తెలు ఉన్నారు. తాజాగా 21 ఏళ్ల యువకుడితో సహజీవనం చేస్తోంది.
ఆమెకు 45 సంవత్సరాలు. ఇప్పటికి మూడు పెళ్లిళ్లు చేసుకుంది. ఐదుగురు కుమార్తెలు ఉన్నారు. తాజాగా 21 ఏళ్ల యువకుడితో సహజీవనం చేస్తోంది. అతడిని నాలుగులో పెళ్లి చేసుకునేందుకు రెడీ అయ్యింది. మధ్యప్రదేశ్ భిండ్ జిల్లా ఝాన్సీ మొహల్లా గ్రామంలో ఈ వింత సంఘటన జరిగింది. వివరాల్లోకి వెళ్తే.. పదిహేనేళ్ల వయసు ఉన్నప్పుడు ఆ మహిళకు ఫస్ట్ టైమ్ పెళ్లి అయ్యింది. రెండేళ్ల తర్వాత అభిప్రాయ బేదాలు రావడంతో భర్తతో విడాకులు తీసుకుంది. యూపీకి చెందిన వినోద్ అనే వ్యక్తితో ఆ మహిళకు రెండోసారి వివాహం జరిగింది. ఆ దంపతులకు ఐదుగురు ఆడపిల్లలు సంతానం. అయితే కొన్నేళ్ల తర్వాత వినోద్ ఓ యాక్సిడెంట్‌లో చనిపోయాడు. భర్త చనిపోవడం, పిల్లల భారం ఏం చెయ్యాలో తెలియక ఆమె పుట్టింటికి వెళ్లింది. అక్కడ బ్రిజేష్ అనే ఓ యువకుడితో ప్రేమలో పడింది. తల్లిదండ్రులు ఎంత నచ్చజెప్పినా వినకుండా అతడిని పెళ్లి చేసుకుంది. అయితే.. కొన్నాళ్ల తర్వాత అతడూ అనారోగ్యంతో ప్రాణాలు విడిచాడు. అ తర్వాత భిండ్కు చేరుకుంది. అక్కడే నివసించింది. తన ఐదుగురు కుమార్తెల్లో ఒకరికి పెళ్లి చేసింది.
భిండ్ జిల్లాలోని ఝాన్సీ మొహల్లా ప్రాంతంలో నివసిస్తున్న సదరు మహిళ.. మిథున్ అనే 21 ఏళ్ల యువకుడితో మళ్లీ ప్రేమలో పడింది. చాలాకాలం పాటు వారు సహజీవనం కూడా చేశారు. అయితే.. ఈ వ్యవహారంపై ఆమె కుమార్తెలు మొదటి నుంచి ఆగ్రహంతోనే ఉన్నారు. ఈ క్రమంలో రెండో కుమార్తెను ఇంటి నుంచి ఏడాది క్రితం గెంటేసింది. ఇప్పుడు ఆ యువకుడిని పెళ్లి చేసుకునేందుకు రెడీ అయ్యింది. ముగ్గురు కుమార్తెలు కూడా ఈ పెళ్లికి అడ్డుచెప్పగా.. వారిని కూడా ఆమె తన ఇంటి నుంచి బయటకు పంపించేసింది.
చాలారోజుల నుంచి తాను ఆ మహిళతో సహజీవనం చేస్తున్నానని ఆమె ప్రియుడు మిథున్ తెలిపాడు. అయితే సొసైటీ మాటలు పడలేక తామిద్దరం ఇప్పుడు వివాహం చేసుకుని ఒక్కటవ్వాలని నిర్ణయించుకున్నామని చెప్పాడు. ఓ కిరాణ షాపులో పని చేయటం ద్వారా తనకు వచ్చే రూ.6,000 వేల జీతంతో ఆమె కుమార్తెలను కూడా తాను పోషిస్తున్నానని వివరించాడు. పోలీస్ స్టేషన్కు ఈ పెళ్లి విషయం చేరుకోగా.. ఈ వివాహంతో ఎదురయ్యే అనర్థాల గురించి మిథున్కు పోలీసులు పూసగుచ్చినట్లు వివరించారు. దాంతో అతడు నిర్ణయం మార్చుకుని..ఆ మహిళను పెళ్లి చేసుకోనని చెప్పాడు. కానీ, ఆ మహిళ మాత్రం తాను ఆ యువకుడినే పెళ్లి చేసుకుంటానని మొండికేసింది.
ఈ పెళ్లి వ్యవహారంలో మహిళతో పాటు, యువకుడికీ డీఎస్పీ పూనమ్ థాపా కౌన్సెలింగ్ ఇచ్చారు. అయితే.. ఇప్పటివరకు వీరి సమస్యకు మాత్రం ఏ పరిష్కారం దొరకలేదు. కానీ ఆ మహిళ కారణంగా నలుగురు ఆడపిల్లల పరిస్థితి అయోమయంగా మారింది.