కొత్తగా కారు కొనాలనుకునే వారికి శుభవార్త.. భారీగా డిస్కౌంట్లను ప్రకటించిన మహీంద్రా సంస్థ..

మీరు కొత్తగా కారు కొనాలనుకుంటున్నారా? అయితే మీకోసమే ఈ వార్త.  ప్రముఖ మహీంద్రా ఆటోమొబైల్ సంస్థ కొత్తగా కారు కొనాలనుకునే వారికి శుభవార్త అందించింది. పలు కార్ల కొనుగోలుపై భారీగా డిస్కౌంట్లను ప్రకటించింది. దీంతో ప్రతి వినియోగదారుడు కారు కొనుదారులకు రూ.3.06 లక్షల వరకు ప్రయోజనం చేకూరనున్నట్లుగా ఈ సంస్థ తెలిపింది. ఈ ఆఫర్ ఇటీవల విడుదలైన థార్ మినహా కంపెనీకి చెందిన అన్ని మోడళ్ళపై వర్తించనున్నట్లుగా ప్రకటించింది. ఈ ఆఫర్ డిసెంబర్ 31 వరకు మాత్రమే ఉంటుందని.. కాగా ఎక్స్‏ఛేంజ్ బోనస్, కార్పొరేట్ డిస్కౌంట్, రాయితీలలో ఈ ప్రయోజనాలను కస్టమర్లకు అందించనున్నట్లుగా మహీంద్రా సంస్థ తెలిపింది.

అటు ప్లాగ్‏షిప్ ఎస్‏యూవీ బీఎస్6 ఆల్టూరస్ జీ4పై ఎక్కువగా రూ.3.06 లక్షల వరకు ప్రయోజానాలను కల్పించనుంది. ఈ కారు కొనేవారు రూ.2.20 లక్షల వరకు డిస్కౌంట్‏తో పాటు రూ.50.000 వరకు ఎక్స్‏ఛేంజ్ బోనస్, రూ.16,000 వరకు కార్పొరేట్ డిస్కౌంట్, రూ.20,000 వరకు పలు రకాలుగా ప్రయోజనాలను కల్పించనున్నట్లుగా తెలిపింది. ఇక మిగతా వాహనాలైన మహీంద్రా కేయూవీ 100 ఎన్ఎక్స్‏టీపై రూ.62,055, స్కార్పియోపై రూ.30,600, బోలెరోపై రూ.20,550 వరకు డిస్కౌంట్లు కల్పించనుంది. కాగా సంవత్సరం ముగుస్తుండడంతో పలు ఆటోమొబైల్ సంస్థలు ఇయర్ ఎండ్ డిస్కౌంట్లు ప్రకటిస్తున్నాయి.