‘మేడిన్ ఇండియా’, హైపర్ సోనిక్ రాకెట్ ప్రయోగం సక్సెస్

దేశీయంగా తయారు చేసిన ‘హైపర్ సోనిక్ టెక్నాలజీ డెమాన్ స్ట్రేటర్ వెహికల్’ (హెచ్ ఎస్ టీ డీ వి ) ని ఇండియా సోమవారం ప్రయోగించింది.  ఈ ప్రయోగం విజయవంతమైందని అధికారులు ప్రకటించారు. భవిష్యత్తులో రూపొందించే లాంగ్ రేంజ్ మిసైల్ సిస్టమ్స్, ఇతర గగనతల సాధనాల తయారీకి ఈ విధమైన టెక్నాలజీ ఉపయోగపడుతుందని భావిస్తున్నారు. హైపర్ సోనిక్ ప్రొపల్షన్ టెక్నాలజీ ఆధారంగా డిఫెన్స్ రీసెర్చ్ అండ్ డెవలప్ మెంట్ ఆర్గనైజేషన్ (డీ ఆర్ డీ ఓ) ఈ రాకెట్ ని రూపొందించింది. ఈ లాంచ్ సక్సెస్ కావడంపట్ల రక్షణ  మంత్రి రాజ్ నాథ్ సింగ్ హర్షం వ్యక్తం చేస్తూ ఇది అద్భుత విజయసాధనగా, ఓ మైలురాయిగా అభివర్ణించారు. ప్రధాని మోదీ నినాదమైన ‘ఆత్మనిర్భర్’ విజన్ లో ఇదొక లాండ్ మార్క్ అని ఆయన ట్వీట్ చేశారు. ఈ శాస్త్రజ్ఞులను చూసి ఇండియా గర్విస్తోందన్నారు.