LPG Crisis Live Updates: గ్యాస్ బుకింగ్స్‌పై కేంద్రం కీలక ఆదేశాలు..

శనివారం తెల్లవారుజామున వివాదాస్పద హార్ముజ్ జలసంధి గుండా భారతదేశ జెండాతో రెండు ట్యాంకర్లు ప్రయాణించాయి. ఈ కీలకమైన జలసంధి గుండా రాకపోకలు సాగించడానికి అమెరికా నావికాదళ మద్దతు ఉంటుందని అమెరికా అధ్యక్షుడు డొనాల్డ్ ట్రంప్ ప్రతిజ్ఞ చేశారు. భారత్‌కు మద్దతుగా ఉంటామని తెలిపారు.

హర్ముజ్ జలసంధి ద్వారా సముద్ర రాకపోకలు ప్రారంభం కావడంతదో LPG సిలిండర్ల కొరత ఏర్పడిన నేపథ్యంలో కేంద్ర ప్రభుత్వం మార్చి 14న అన్ని రాష్ట్రాలు, కేంద్రపాలిత ప్రాంతాలలోవాణిజ్య LPG సిలిండర్ల పంపిణీని ప్రారంభించింది. విస్తృత చర్చల తర్వాత వాణిజ్య వినియోగదారులకు కూడా LPG లభిస్తుందని ప్రభుత్వం నిర్ణయించింది. వివిధ రాష్ట్రాల్లో వాణిజ్య సిలిండర్ల పంపిణీ ప్రారంభించింది. వినియోగదారులు వాటిని స్వీకరించడం ప్రారంభించారు.

LPG కొరత నేపథ్యంలో గల్ఫ్ నుండి రెండు LPG ట్యాంకర్లు మార్చి 16-17 మధ్య భారతదేశానికి చేరుకుంటాయని అధికారులు అంచనా వేస్తున్నారు. ట్యాంకర్ శివాలిక్ మార్చి 16న ముంద్రా ఓడరేవుకు చేరుకునే అవకాశం ఉంది. ఇక నందా దేవి ఒక రోజు తర్వాత చేరుకునే అవకాశం ఉందని షిప్పింగ్ మంత్రిత్వ శాఖ ప్రత్యేక కార్యదర్శి రాజేష్ కుమార్ సిన్హా తెలిపారు.

ఎల్పీజీ సంక్షోభం క్రమంలో తమిళనాడు ప్రభుత్వం కీలక నిర్ణయం తీసుకుంది. విద్యుత్ స్టవ్‌లను ఉపయోగించే హోటళ్లు, స్టాల్స్‌కు విద్యుత్ బిల్లుపై యూనిట్‌కు రూ.2 సబ్సిడీని అందిస్తోంది. హోటళ్ళు, టీ స్టాళ్ళు, క్లౌడ్ కిచెన్లు LPG సిలిండర్లకు బదులుగా ఎలక్ట్రిక్ స్టవ్‌లకు మారాలని సూచించింది. ఇలా మారితే విద్యుత్ బిల్లులపై యూనిట్‌కు రూ.2 సబ్సిడీ ఇస్తామంటూ ప్రకటించింది. LPG కొరత కొనసాగుతున్నంత కాలం సబ్సిడీ అమలులో ఉంటుందని సీఎం స్టాలిన్ ప్రకటించారు.

ప్రజలు  భయాందోళనకు గురై అవసరం లేకపోయినా సిలిండర్లను బుక్ చేసుకోవద్దని పెట్రోలియం మంత్రిత్వ శాఖ ప్రతినిధి సుజాత శర్మ సూచించారు.  ఒక రోజులోనే బుకింగ్‌ల సంఖ్య గణనీయంగా పెరగడంతో ఆమె స్పందించారు. భయాందోళనలకు గురై బుకింగ్‌లు చేసుకోవద్దని, దయచేసి అవసరమైనప్పుడు మాత్రమే బుక్ చేసుకోండి అంటూ సూచించారు. వాణిజ్య సిలిండర్లకు కూడా కొంత పరిమాణంలో LPGని కేటాయించాలని నిర్ణయం తీసుకున్నామన్నారు. ఈ సందర్భంలో రాష్ట్ర ప్రభుత్వాలతో కూడా చర్చలు జరిగాయని, తత్ఫలితంగా కమర్షియల్ గ్యాస్ సిలిండర్లకు ప్రాధాన్యత ఇవ్వడానికి నిర్ణయించామన్నారు. 

PNG నిరంతరాయంగా సరఫరా చేస్తామని ఇంద్రప్రస్థ గ్యాస్ లిమిటెడ్ తెలిపింది. ఎల్‌పిజి సిలిండర్ల సరఫరాలో కొరత భయం మధ్య ఆసుపత్రులు, ఇతర ముఖ్యమైన సేవలకు పైప్‌లైన్ సహజ వాయువు (పిఎన్‌జి) సరఫరా నిరంతరాయంగా కొనసాగుతుందని ఇంద్రప్రస్థ గ్యాస్ లిమిటెడ్ ధృవీకరించింది. కీలకమైన సంస్థలకు క్రమం తప్పకుండా మరియు నమ్మదగిన గ్యాస్ సరఫరాను నిర్ధారించడానికి IGL అవసరమైన అన్ని ఏర్పాట్లు చేసింది.

LPG సిలిండర్ల సరఫరాలో ఇబ్బందులపై తెలంగాణ ప్రభుత్వం ఫోకస్‌ పెట్టింది. సచివాలయంలో ఇవాళ మంత్రి ఉత్తమ్‌తో LPG డిస్ట్రిబ్యూషర్ల సంఘం భేటీ అయింది. క్షేత్రస్థాయిలో తాము ఎదుర్కొంటున్న పరిస్థితులను మంత్రి ఉత్తమ్‌కు డిస్ట్రిబ్యూటర్లు వివరించనున్నారు. సోషల్‌ మీడియా ప్రచారాలతో గందరగోళం ఏర్పడిందని డిస్ట్రిబ్యూటర్లు చెబుతున్నారు. LPG కొరతపై నిన్న జిల్లాల కలెక్టర్లతో మంత్రి ఉత్తమ్‌ సమీక్ష నిర్వహించారు. కృత్రిమ కొరత సృష్టించేవారిపై కఠిన చర్యలు తీసుకోవాలని ఇప్పటికే ఆదేశాలు జారీ చేశారు.

కమర్షియల్ గ్యాస్ సిలిండర్ల క్రమబద్దీకరణపై కేంద్రం ప్రత్యేక కమిటీని ఏర్పాటు చేసింది. గృహ వినియోదారులకు ఇబ్బంది కలగకుండా చర్యలు తీసుకుంటుంది. ప్రస్తుతానికి ప్రాధాన్యతాక్రమంలో గ్యాస్ సరఫరాకు ఆదేశాలు జారీ చేశారు. ఇతర దేశాల నుంచి LPG, LNG కార్గోల ద్వారా గ్యాస్ సేకరించాలని నిర్ణయించారు. నౌకల నిలిపివేతతో నిన్నటికి దేశంలో 40 భారీ క్రూడ్ క్యారియర్ల కొరత ఏర్పడింది. సాధ్యమైనంత త్వరలో పరిస్థితిని చక్కదిద్దేందుకు మోదీ ఆదేశాలు జారీ చేశారు.

దేశంలో గ్యాస్‌ దొంగలు పడ్డారు. ఇంటికి తాళం వేసి ఉన్నా.. ఇంట్లో ఎవరు లేకపోయినా అదును చూసి ఎల్‌పీజీ సిలిండర్లను ఇట్టే లేపేస్తున్నారు. ఒక్క సిలిండరైనా.. వందలాది సిలిండర్లకయినా సరైన సెక్యూరిటీ లేకపోతే ఇట్టే మాయమైపోతున్నాయ్. ఉల్లిపాయలు, టమోటాలు ధరలు పెరిగినప్పుడు వాటిని ఎలా బంగారంలా కాపాడుకుంటామో ఇప్పుడు వంటగ్యాస్ సిలిండర్లను కూడా కంటికి రెప్పలా కాపాడుకోవాల్సిందేనా?

హర్మూజ్‌ జలసంధిలోని భారత్‌కు చెందిన LPG నౌకలపై కేంద్రం కీలక ప్రకటన చేసింది. ఇప్పటికే.. ఓ నౌక భారత్‌కు చేరుకోగా.. ఇప్పుడు మరో రెండు LPG నౌకలు కూడా ఒకట్రెండు రోజుల్లో గుజరాత్‌కు రాబోతున్నట్లు కేంద్రం వెల్లడించింది. గ్యాస్‌ను వివిధ మార్గాల్లో భారత్‌కు తీసుకొచ్చే ప్రయత్నం చేస్తున్నట్లు స్ఫష్టం చేసింది

దేశవ్యాప్తంగా వంటగ్యాస్‌ కష్టాల వేళ ప్రభుత్వం కీలక ప్రకటన చేసింది.

దేశంలో ఇంధన కొరత లేదన్న కేంద్రమంత్రి పీయూష్‌ గోయల్‌ తెలిపారు.

గ్యాస్‌ సరఫరాలో ఇబ్బందుల్లేవని.. ఈ పరిణామాలను కేంద్రప్రభుత్వం నిశితంగా పరిశీలిస్తోందని.. గోయల్‌ తెలిపారు.