కుప్పకూలిన ఎయిర్ అంబులెన్స్.. ఏడుగురు మృతి.. ఇంతకీ ఆ రోగి ఎవరు?
సోమవారం (ఫిబ్రవరి 23) జార్ఖండ్లో జరిగిన ఎయిర్ అంబులెన్స్ ప్రమాదం మొత్తం రాష్ట్రాన్ని శోకసంద్రంలో ముంచెత్తింది. రాంచీ నుండి ఢిల్లీకి వెళ్తున్న ఎయిర్ అంబులెన్స్ చత్రా జిల్లాలోని సిమారియా అడవిలో కూలిపోయింది. ఈ ప్రమాదంలో విమానంలో ఉన్న ఏడుగురు వ్యక్తులు మరణించారు. మృతుల్లో రోగి తోపాటు అతని కుటుంబ సభ్యులు, పైలట్, కో-పైలట్, ఒక వైద్యుడు, పారామెడికల్ సిబ్బంది ఉన్నారు.
సోమవారం (ఫిబ్రవరి 23) జార్ఖండ్లో జరిగిన ఎయిర్ అంబులెన్స్ ప్రమాదం మొత్తం రాష్ట్రాన్ని శోకసంద్రంలో ముంచెత్తింది. రాంచీ నుండి ఢిల్లీకి వెళ్తున్న ఎయిర్ అంబులెన్స్ చత్రా జిల్లాలోని సిమారియా అడవిలో కూలిపోయింది. ఈ ప్రమాదంలో విమానంలో ఉన్న ఏడుగురు వ్యక్తులు మరణించారు. మృతుల్లో రోగి తోపాటు అతని కుటుంబ సభ్యులు, పైలట్, కో-పైలట్, ఒక వైద్యుడు, పారామెడికల్ సిబ్బంది ఉన్నారు.
రాంచీ నుండి ఢిల్లీకి తరలిస్తున్న రోగి సంజయ్ కుమార్ (41). అతను లతేహార్ జిల్లాలోని చాంద్వా నివాసి. అతను ఒక ధాబా నడుపుతున్నాడు. కొన్ని రోజుల క్రితం, ధాబాలో జరిగిన ప్రమాదంలో అతనికి 65 శాతం కాలిన గాయాలు అయ్యాయి. ఫిబ్రవరి 16న అతని పరిస్థితి విషమంగా ఉండటంతో రాంచీలోని దేవ్కమల్ ఆసుపత్రిలో చేర్పించారు. అతని పరిస్థితి తీవ్రంగా ఉండటంతో వైద్యులు అతన్ని ఢిల్లీకి పంపించారు. ఇందు కోసం కుటుంబం ఎయిర్ అంబులెన్స్ ఏర్పాటు చేసింది. కానీ ఆ ప్రయాణం అతను, అతని కుటుంబానికి చివరి ప్రయాణంగా మారింది.
ఈ ప్రమాదం మొత్తం కుటుంబాన్ని చిదిమేసింది. సంజయ్ కుమార్, అతని భార్య అర్చన దేవి, అతని మేనల్లుడు కూడా విమానంలో ఉన్నారు. వారందరూ మరణించారు. అతని ఇద్దరు కుమారులు శుభం (17), శివం (13) అనాథలుగా మిగిలిపోయారు. వారి తల్లిదండ్రులు ఒకేసారి మరణించారనే వార్త ఆ కుటుంబంలో విషాదాన్ని నింపింది. చాంద్వాలోని వారి ఇంట్లో, కుటుంబ సభ్యులు ఓదార్చలేని స్థితిలో ఉన్నారు. ఈ ఘటన స్థానికంగా తీవ్ర కలకలం సృష్టించింది.
రెడ్బర్డ్ ఎయిర్వేస్ ప్రైవేట్ లిమిటెడ్కు చెందిన బీచ్క్రాఫ్ట్ C90 ఎయిర్ అంబులెన్స్ విమానం సోమవారం రాత్రి 7:11 గంటలకు రాంచీ నుండి ఢిల్లీకి బయలుదేరింది. తీవ్రంగా కాలిన రోగి సంజయ్ కుమార్ను అధునాతన చికిత్స కోసం ఢిల్లీకి తరలిస్తున్నారు. టేకాఫ్ అయిన దాదాపు 23 నిమిషాల తర్వాత, సోమవారం రాత్రి 7:34 గంటలకు, విమానం అకస్మాత్తుగా కోల్కతా ATCతో సంబంధాలు తెగిపోయాయి. తరువాత చత్రా జిల్లాలోని సిమారియా ప్రాంతంలో విమానం కూలిపోయిందని అధికారులు తెలిపారు. మృతులను కెప్టెన్ వివేక్ వికాస్ భగత్ (పైలట్), కెప్టెన్ సవ్రాజ్దీప్ సింగ్ (కో-పైలట్), డాక్టర్ వికాస్ కుమార్ గుప్తా (డాక్టర్), సచిన్ కుమార్ మిశ్రా (పారామెడిక్), రోగులు సంజయ్ కుమార్, అర్చన దేవి, ధీరు కుమార్ (అటెండెంట్)గా గుర్తించారు.
ప్రమాదంలో చిక్కుకున్న డాక్టర్ వికాస్ కుమార్ గుప్తా కూడా రోగిని రక్షించే పనిలో ఉన్నారు. రోగికి చికిత్స చేయడానికి ఆయన ఎయిర్ అంబులెన్స్ ఎక్కారు. కానీ దురదృష్టవశాత్తు, ఆయనే ప్రమాదానికి గురయ్యారు. ప్రాథమిక దర్యాప్తులో చెడు వాతావరణం, భారీ వర్షం, సరిగా కనిపించలేకపోవడం ప్రమాదానికి కారణాలుగా ప్రాథమికంగా నిర్ధారణకు వచ్చారు. అయితే ఖచ్చితమైన కారణం తదుపరి దర్యాప్తు తర్వాత మాత్రమే తెలుస్తుందని అధికారులు తెలిపారు. డైరెక్టరేట్ జనరల్ ఆఫ్ సివిల్ ఏవియేషన్ (DGCA) ఈ సంఘటనపై దర్యాప్తు ప్రారంభించింది.
మరిన్ని జాతీయ వార్తల కోసం ఇక్కడ క్లిక్ చేయండి..