Punjab: పంజాబ్ ఆప్ గెలుపులో కీలక పాత్ర పోషించిన ఫిజిక్స్ ప్రొఫెసర్.. బంపర్ ఆఫర్ ప్రకటించిన కేజ్రీవాల్
పంజాబ్ అసెంబ్లీ ఎన్నికల్లో ఆమ్ ఆద్మీ పార్టీ భారీ విజయం సాధించిన సంగతి తెలిసిందే. పార్టీ విజయం కోసం తీవ్రంగా కృషి చేసిన నాయకులను గుర్తించి ప్రోత్సహిస్తోంది ఆప్ అధిష్టానం.
Dr.Sandeep Patak: పంజాబ్(Punjab) అసెంబ్లీ ఎన్నికల్లో ఆమ్ ఆద్మీ పార్టీ(Aam Aadmi Party) భారీ విజయం సాధించిన సంగతి తెలిసిందే. పార్టీ విజయం కోసం తీవ్రంగా కృషి చేసిన నాయకులను గుర్తించి ప్రోత్సహిస్తోంది ఆప్ అధిష్టానం.ఈ నేపథ్యంలోనే ఆమ్ ఆద్మీ పార్టీ మాజీ క్రికెటర్ హర్భజన్ సింగ్(Harbhajan Singh), పంజాబ్ నుండి రాఘవ్ చద్దా అలాగే, పంజాబ్‌లో AAP విజయానికి సూత్రధారిగా భావిస్తున్న IIT ప్రొఫెసర్ డాక్టర్ సందీప్ పాఠక్‌లను పెద్దల సభ్యకు పంపాలని యోచిస్తోంది. రాష్ట్రంలోని 7 మంది రాజ్యసభ సభ్యులలో 5 మంది పదవీకాలం ఏప్రిల్ 9తో ముగియనుంది. ఈ ఐదు రాజ్యసభ స్థానాలకు నామినేషన్లు దాఖలు చేసేందుకు నేడు చివరి తేదీ. రాష్ట్రంలో మార్చి 31న రాజ్యసభకు ఎన్నికలు జరగనున్నాయి. ఈ క్రమంలో పంజాబ్ నుంచి రాజ్యసభకు వెళ్లే అభ్యర్థులను ఆప్ ప్రకటించింది.
పంజాబ్ రాజ్యసభకు వెళ్లే అభ్యర్థులను ఆప్ ఖరారు చేసింది. వీరిలో మాజీ క్రికెటర్ హర్భజన్ సింగ్, పంజాబ్ కో ఇన్‌చార్జ్ రాఘవ్ చద్దా, మూడవ పేరు ఐఐటి ఢిల్లీకి చెందిన ప్రొఫెసర్ డాక్టర్ సందీప్ పాఠక్. అదే సమయంలో, నాల్గవ పేరు అశోక్ మిట్టల్, అతను లవ్లీ ప్రొఫెషనల్ యూనివర్సిటీ వ్యవస్థాపకుడు. కాగా, ఆమ్ ఆద్మీ పార్టీ నుంచి పంజాబ్ నుంచి ఐదవ రాజ్యసభ అభ్యర్థి సంజీవ్ అరోరా. ఆయన పంజాబ్‌లో పెద్ద పారిశ్రామికవేత్త.
డాక్టర్ సందీప్ పాఠక్ ఎవరు
ఇప్పుడు పంజాబ్‌లో ప్రముఖంగా వినిపిస్తున్న పేరు డాక్టర్ సందీప్ పాఠక్..ఈయన అరవింద్ కేజ్రీవాల్, పంజాబ్ ముఖ్యమంత్రి భగవంత్ మాన్‌లకు అత్యంత సన్నిహితుడు. పంజాబ్‌లో ఆమ్ ఆద్మీ పార్టీ విజయం సాధించిన ఘనత కూడా సందీప్ పాఠక్ అనే వ్యక్తికే దక్కుతుంది. చాలా నివేదికల ప్రకారం, అతను పంజాబ్‌లో AAP కోసం చాలా పని చేసాడు. డాక్టర్ సందీప్ పాఠక్ IIT ఢిల్లీలో ఫిజిక్స్ ప్రొఫెసర్‌గా పనిచేస్తున్నారు. బూత్ స్థాయి వరకు ఆర్గనైజేషన్ చేయడంలో పాఠక్ ప్రావీణ్యం సంపాదించాడు. అంతకుముందు, 2020 ఢిల్లీ అసెంబ్లీ ఎన్నికల్లో, డాక్టర్ సందీప్ పాఠక్ ఆమ్ ఆద్మీ పార్టీ కోసం పనిచేశారు.
డాక్టర్ సందీప్ ఛత్తీస్‌గఢ్‌లోని ముంగేలి జిల్లాలోని లోర్మీ నివాసి. అతను 4 అక్టోబర్ 1979 న జన్మించాడు. అతని సోదరుడు ప్రదీప్ పాఠక్, సోదరి ప్రతిభా పాఠక్ సందీప్ కంటే చిన్నవారు. అతను బిలాస్పూర్ నుండి తన MSc పూర్తి చేసాడు. UK లోని కేంబ్రిడ్జ్ నుండి తన PhD పూర్తి చేసిన తర్వాత భారతదేశానికి తిరిగి వచ్చాడు. డాక్టర్ సందీప్ ఆప్ అధినేత అరవింద్ కేజ్రీవాల్‌కు అత్యంత సన్నిహితుడు. రాజకీయ వ్యుహకర్త ప్రశాంత్ కిషోర్ టీమ్‌లో ఎక్కువ కాలం ఉంటూ ఢిల్లీ ఎన్నికలకు కూడా పనిచేశాడు. ఆ తర్వాత అరవింద్ కేజ్రీవాల్‌కు సలహా ఇచ్చే బృందంలో భాగమయ్యాడు.
పంజాబ్ అసెంబ్లీ ఎన్నికలకు మూడేళ్ల ముందు పాఠక్ పంజాబ్‌లో క్యాంపు వేశాడని ఆమ్ ఆద్మీ పార్టీ గురించి తెలిసిన వారు చెబుతున్నారు. పంజాబ్ అసెంబ్లీ ఎన్నికల్లో ఎలా గెలవాలనే వ్యూహాన్ని డాక్టర్ సందీప్ పాఠక్ రూపొందించారని భావిస్తున్నారు. దానిపై అతను శ్రద్ధగా పనిచేశాడు. ఇప్పుడు ఆయన్ను రాజ్యసభకు పంపి ఆయన కష్టానికి ప్రతిఫలం ఇచ్చేందుకు సిద్ధమవుతున్నారు. ఇవాళ ఆయన రాజ్యసభ సభ్యత్వానికి నామినేషన్ దాఖలు చేశారు.
‘ਆਪ’ ਵੱਲੋਂ ਸੰਦੀਪ ਪਾਠਕ (IIT ਦੇ ਪ੍ਰੋਫੈਸਰ) ਨੇ ਰਾਜ ਸਭਾ ਦੇ ਉਮੀਦਵਾਰ ਵੱਜੋਂ ਨਾਮਜ਼ਦਗੀ ਪੱਤਰ ਦਾਖ਼ਲ ਕੀਤਾ pic.twitter.com/lo7xI3p5vK
— AAP Punjab (@AAPPunjab) March 21, 2022
Read Also…
Israel PM Tour: తొలిసారిగా భారత్‌లో పర్యటించనున్న ఇజ్రాయెల్ ప్రధాని నఫ్తాలీ బెన్నెట్.. ప్రత్యేకత ఏంటో తెలుసా?