Har Ghar Tiranga: 75వ స్వాతంత్ర్య దినోత్సవ వేడుకలకు అదిరిపోయే సాంగ్‌ విడుదల.. దేశ శక్తిని ప్రతిబింబిస్తోన్న హర్‌ ఘర్‌ తిరంగా పాట
Har Ghar Tiranga: దేశ వ్యాప్తంగా 75వ స్వాతంత్ర్య దినోత్సవ వేడుకలు ఘనంగా నిర్వహించేందుకు భారీ ఏర్పాట్లు జరుగుతున్నాయి. హర్‌ ఘర్‌ తిరంగా అంటూ ప్రతి ఇంటిపై జాతీయ జెండా..
Har Ghar Tiranga: దేశ వ్యాప్తంగా 75వ స్వాతంత్ర్య దినోత్సవ వేడుకలు ఘనంగా నిర్వహించేందుకు భారీ ఏర్పాట్లు జరుగుతున్నాయి. హర్‌ ఘర్‌ తిరంగా అంటూ ప్రతి ఇంటిపై జాతీయ జెండా ఎగురవేయాలని ప్రధాని మోడీ పిలుపు ఇచ్చిన విషయం తెలిసిందే. ఈ నేపథ్యంలో స్వాతంత్ర్య వేడుకలు అంగరంగ వైభవంగా నిర్వహించేందుకు ముమ్మర ఏర్పాట్లు జరుగుతున్నాయి.
ఈ హర్‌ ఘర్‌ తిరంగా కార్యక్రమాన్ని విజయవంతంగా చేసేందుకు కేంద్ర సాంస్కృతిశాఖ ముమ్మర ఏర్పాట్లు చేస్తోంది. ఈ నేపథ్యంలో తాజాగా ఇందుకు సంబంధించిన ఓ సాంగ్‌ విడులైంది. హర్‌ ఘర్‌ తిరంగా అంటూ సాగే ఈ పాట విడుదలైంది. ఈ సాంగ్‌లో ప్రధాని మోడీతో పాటు సినీ నటీనటులు అమితాబ్‌ బచ్చన్‌, అక్షయ్‌ కుమార్‌, ప్రభాస్‌, అజయ్‌దేవగన్‌, కీర్తీ సురేష్‌, అనుష్క శర్మ, క్రీడాకారులు కపిల్‌దేవ్‌, విరాట్‌ కోహ్లీ,హర్థిక్‌ పాండ్యా, పీవీ సింధు తదితులు కనిపించనున్నారు. ఈ సాంగ్‌కు ప్రముఖ మ్యూజిక్‌ డైరెక్టర్‌ దేవిశ్రీ ప్రసాద్‌ సంగీతం అందించినట్లు తెలుస్తోంది. ఇండియాలో అన్ని ప్రాంతాలను ఏకం చేసేలా ఈ పాటను రూపొందించారు.
అయితే మన దేశానికి స్వాతంత్ర్యం వచ్చి ఆగస్టు 15వ తేదీ నాటికి 75 ఏళ్లు పూర్తి చేసుకుంటోంది. ఈ నేపథ్యంలో ఆజాదీకా అమృత్‌ మహోత్సవ్‌ కార్యక్రమం పేరుతో ప్రత్యేక ప్రచారం నిర్వహిస్తోంది కేంద్ర సర్కార్‌. ఆగస్టు 13 నుంచి 15వ తేదీ వరకు ప్రతి ఇంటిపై జాతీయ జెండాను ఎగురవేయాలని ప్రధాని మోడీ పిలుపునిచ్చారు.
మరిన్ని జాతీయ వార్తల కోసం ఇక్కడ క్లిక్ చేయండి
