వామ్మో ! ఆ గుంపులను చూస్తే భయమేస్తోంది’..ఆంక్షలు పాటించని జనాల ఫోటోలను షేర్ చేసిన ICMR చీఫ్
మనాలి, సిమ్లా, ముస్సోరి వంటి హిల్ స్టేషన్లలోనూ, ఢిల్లీ,ముంబై వంటి నగరాల మార్కెట్లలోనూ తండోపతండాలుగా ఉన్న జనాల ఫోటోలను ఐసీఎంఆర్ చీఫ్ బలరాం భార్గవ షేర్ చేశారు. ఈ జనాల గుంపులను చూస్తే భయమేస్తోందన్నారు. ఈ జనాలు కోవిద్ రూల్స్ ని, పాటించడంలేదని,
మనాలి, సిమ్లా, ముస్సోరి వంటి హిల్ స్టేషన్లలోనూ, ఢిల్లీ,ముంబై వంటి నగరాల మార్కెట్లలోనూ తండోపతండాలుగా ఉన్న జనాల ఫోటోలను ఐసీఎంఆర్ చీఫ్ బలరాం భార్గవ షేర్ చేశారు. ఈ జనాల గుంపులను చూస్తే భయమేస్తోందన్నారు. ఈ జనాలు కోవిద్ రూల్స్ ని, పాటించడంలేదని, తమ బిహేవియర్ ని మార్చుకోవడం లేదని ఆరోగ్య శాఖ సంయుక్త కార్యదర్శి లవ్ అగర్వాల్ ఈ సందర్భంగా వ్యాఖ్యానించారు. ఇలా ప్రొటొకాల్స్ ని ఉల్లంఘిస్తే సడలించిన ఆంక్షలను ఇక రద్దు చేయాల్సి వస్తుందన్నారు. దేశంలో కోవిద్ పూర్తిగా మటుమాయం కాలేదన్నారు. అయితే ఈ నగరాలు, హిల్ స్టేషన్లలోనే కాకుండా దేశంలో చాలా చోట్ల పరిస్థితి ఇలాగే ఉంది. ప్రజలు మాస్కులు ధరించకుండా.. భౌతిక దూరం పాటించకుండా గుంపులు గుంపులుగా మార్కెట్లలో కనిపిస్తున్నారు. కోవిద్ కేసులు తగ్గుతున్నప్పటికీ ఈ నిబంధనలను పాటించాలని కేంద్రం పదేపదే చెబుతోంది.
కాగా హిమాచల్ ప్రదేశ్ లో ఏ పార్టీ ప్రభుత్వం అధికారంలో ఉందని ఓ నెటిజన్ సెటైరిక్ గా ట్వీట్ చేశాడు. బీజేపీ పాలిత ప్రభుత్వాలు అనుసరిస్తున్న మిస్ మేనేజ్ మెంట్ కు థాంక్స్ అని మరొకరు వ్యంగ్యంగా వ్యాఖ్యానించారు. ఎలాంటి ఆంక్షలు లేకుండా ప్రజలను ఎలా అనుమతిస్తున్నారని ఆయన ప్రశ్నించాడు.
మరిన్ని ఇక్కడ చూడండి : సోషల్ మీడియాలో ‘గృహలక్ష్మీ’ నటి మరో రచ్చ.. ముఖ్యమంత్రి పై షాకింగ్ కామెంట్స్..(వీడియో):actor kasturi shankar video.