Model Divya Pahuja: ఢిల్లీ హోటల్‌లో దారుణం.. మోడల్ దివ్య కాల్చివేత
ఎనిమిదేళ్ల క్రితం అనుమానాస్పద స్థితిలో హత్యకు గురైన గ్యాంగ్స్టర్ సందీప్ గడోలీ ప్రియురాలు, మాజీ మోడల్ దివ్యా పహుజా హత్యకు గురయ్యారు. గుర్తుతెలియని వ్యక్తులు కొందరు కాల్చిచంపారు. ఢిల్లీ శివారులోని గురుగ్రామ్‌లో ఓ హోటల్ గదిలో ఈ ఘటన చోటు చేసుకున్నట్లు పోలీసులు బుధవారం (జనవరి 3) మీడియాకు తెలిపారు. ఐదుగురు వ్యక్తులు మంగళవారం రాత్రి దివ్య పహుజాను హోటల్ గదికి తీసుకొచ్చినట్లు తెలిసింది..
గురుగ్రామ్‌, జనవరి 4: ఎనిమిదేళ్ల క్రితం అనుమానాస్పద స్థితిలో హత్యకు గురైన గ్యాంగ్స్టర్ సందీప్ గడోలీ ప్రియురాలు, మాజీ మోడల్ దివ్యా పహుజా హత్యకు గురయ్యారు. గుర్తుతెలియని వ్యక్తులు కొందరు కాల్చిచంపారు. ఢిల్లీ శివారులోని గురుగ్రామ్‌లో ఓ హోటల్ గదిలో ఈ ఘటన చోటు చేసుకున్నట్లు పోలీసులు బుధవారం (జనవరి 3) మీడియాకు తెలిపారు. ఐదుగురు వ్యక్తులు మంగళవారం రాత్రి దివ్య పహుజాను హోటల్ గదికి తీసుకొచ్చినట్లు తెలిసింది. అనంతరం ఆమె మృతదేహాన్ని హోటల్ నుంచి కారులో తీసుకువెళుతుండగా పోలీసులు అడ్డుకున్నారు. నిందితుల్లో ముగ్గురిని పోలీసులు అరెస్టు చేసినట్లు తెలిపారు. తుపాకీతో ఆమె తలపై కాల్చి హత్య చేసినట్లు పోలీసులు గుర్తించారు. పోలీసులు కేసు దర్యాప్తు చేసి అరెస్టు చేసిన నిందితులను విచారిస్తున్నారు. తదుపరి విచారణ జరుగుతోందని పశ్చిమ డిసిపి భూపేందర్ సింగ్ సాంగ్వాన్ తెలిపారు.
కాగా ఫిబ్రవరి 7, 2016న ముంబైలోని హోటల్‌లో గ్యాంగ్స్టర్ సందీప్ గడోలీని పోలీసుల వేషంలో వచ్చిన కొందరు వ్యక్తులు తుపాకులతో కాల్చి హత్య చేశారు. ఈ కేసులో గ్యాంగ్స్టర్ సందీప్ గడోలీ దివ్యా పహుజా అరెస్టైన సంగతి తెలిసిందే. ఆమెతోపాటు, ఆమె తల్లిని, మరో ఐదుగురిని ముంబయి పోలీసులు అరెస్టు చేశారు. అరెస్టయిన ఏడేళ్ల తర్వాత బాంబే హైకోర్టు గత ఏడాది జూన్‌లో పహుజాకు బెయిల్ మంజూరు చేసింది. ముంబై పోలీసులు తెలిపిన వివరాల ప్రకారం.. గ్యాంగ్స్టర్ గాడోలిని అతని ప్రియురాలు పహుజా సహాయంతో ఓ నకిలీ ఎన్‌కౌంటర్‌లో కొందరు వ్యక్తులు హత్య చేశారు.
వీరేంద్ర కుమార్ అలియాస్ బైందర్ గుజ్జర్ అనే ప్రత్యర్థి ముఠాకు చెందిన మరో గ్యాంగ్స్టర్.. గడోలీని హతమార్చడానికి హర్యానా పోలీసు అధికారులతో కలిసి కుట్ర పన్నాడని ముంబై పోలీసులు తెలిపారు. అయితే ఎన్‌కౌంటర్ సమయంలో గుజ్జర్ జైలులో ఉన్నాడు. కాని అతను తన సోదరుడు మనోజ్ సహాయంతో కుట్ర పన్నాడు. పహుజా హనీ ట్రాప్‌ చేసి.. ఆమె సహాయంతో గ్యాంగ్స్టర్ సందీప్ గడోలీని ముంబైకి రప్పించి, హతమార్చినట్లు ముంబై పోలీసులు చెబుతున్నారు. నకిలీ ఎన్‌కౌంటర్‌లో హరియాణా పోలీసులే అతడిని హతమార్చినట్లు దర్యాప్తులో తేలింది.
మరిన్ని జాతీయ వార్తల కోసం క్లిక్‌ చేయండి.