కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా
కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేశారు. నీట్ పేపర్ లీక్పై విద్యార్ధుల ఆందోళనతో మంత్రి పదవికి రాజీనామా చేశారు ధర్మేంద్ర ప్రధాన్. ప్రధాని మోదీకి ఆయన రాజీనామా లేఖ పంపించారు. యువత ఆకాంక్షలను తాను గౌరవిస్తున్నట్టు తెలిపారు. కేంద్రంతో సీజేపీ చర్చలకు ముందు కీలక పరిణామం చోటు చేసుకుంది.
జాతీయ ప్రవేశ పరీక్షల్లో చోటుచేసుకున్న అక్రమాలు, ప్రశ్నాపత్రాల లీకేజీ వ్యవహారంపై దేశవ్యాప్తంగా నిరసనలు మిన్నంటిన నేపథ్యంలో కేంద్ర విద్యాశాఖ మంత్రి ధర్మేంద్ర ప్రధాన్ శనివారం (జూలై 25) తన పదవికి రాజీనామా చేశారు. కాక్రోచ్ జనతా పార్టీ (CJP), పలు విద్యార్థి సంఘాలు చేపట్టిన సుదీర్ఘ ఆందోళనలు, విద్యాశాఖ జవాబుదారీతనం వహించాలనే తీవ్ర ఒత్తిడి మధ్య ఆయన ఈ నిర్ణయం తీసుకున్నారు.
‘ఎక్స్’ వేదికగా ధర్మేంద్ర ప్రధాన్ ప్రకటన
తన రాజీనామాపై సోషల్ మీడియా వేదిక X (గతంలో ట్విట్టర్) ద్వారా స్పందిస్తూ ధర్మేంద్ర ప్రధాన్ పంచుకున్న విషయాలు:
విద్యార్థుల భవిష్యత్తే ముఖ్యం: “ప్రస్తుత పరిస్థితులను దేశవ్యతిరేక శక్తులు తమ స్వార్థానికి వాడుకోకూడదు. ఏ ఒక్క విద్యార్థి భవిష్యత్తు కూడా న్యాయపరమైన చిక్కుల్లో పడకూడదు. పిల్లలు తమ సమయాన్ని చదువుపై, కెరీర్ నిర్మాణంపైన కేటాయించాలి. అందుకే నా రాజీనామా లేఖను గౌరవ ప్రధానమంత్రికి పంపించాను.”
బాధ్యత నాదే: NEET-UG పరీక్షల లీకేజీ అంశంపై వివరణ ఇస్తూ, “తొలి రోజు నుంచే ఈ పరిస్థితికి నేను పూర్తి బాధ్యత వహించాను. అయితే బాధ్యతాయుతమైన పదవుల్లో ఉన్న కొందరు వ్యక్తులు విద్యార్థులను పక్కదోవ పట్టించడానికి, అడ్డంకులు సృష్టించడానికి ప్రయత్నించారు” అని వ్యాఖ్యానించారు.
ధర్మేంద్ర ప్రధాన్ నేపథ్యం
56 ఏళ్ల ధర్మేంద్ర ప్రధాన్ జూలై 2021 నుంచి కేంద్ర విద్యాశాఖ మంత్రిగా బాధ్యతలు నిర్వర్తిస్తున్నారు. అంతకుముందు ఆయన పెట్రోలియం, సహజ వాయువు శాఖ, నైపుణ్యాభివృద్ధి శాఖల మంత్రిగా పనిచేశారు. ఒడిశాకు చెందిన ఈ బీజేపీ నాయకుడు, ఒకప్పుడు ABVP విద్యార్థి నాయకుడిగా పనిచేశారు. జూన్ 2024లో మోదీ ప్రభుత్వం తిరిగి అధికారంలోకి వచ్చినప్పుడు ఆయనకు మళ్లీ విద్యాశాఖ బాధ్యతలే అప్పగించారు.
— Dharmendra Pradhan (@dpradhanbjp) July 25, 2026
