అయ్యో పాపం..! ఆ కంపెనీ సీఈఓ శాలరీ నెలకి రూ.15 వేలేనటా!.. కారణం అదేనట..!!

Cred Ceo

CEO లు సంవత్సరానికి కోటి కంటే ఎక్కువ సంపాదిస్తారు . ప్రపంచంలోని టాప్ గ్రేడ్ CEO ల (CEO జీతాలు) జీతం సంవత్సరానికి 50 కోట్ల రూపాయల కంటే ఎక్కువగానే ఉంటుంది. భారతదేశంలో ఇన్ఫోసిస్ సీఈఓ వేతనం రూ. 71 కోట్లు. ఇకపోతే సుందర్ పిచాయ్, సత్యనాదెళ్ల వంటివారి జీతాలు కోట్లల్లోనే ఉంటాయనడంతో సందేహం లేదు. కానీ ఇక్కడొక కంపెనీ సీఈవో నెలకు కేవలం రూ.15 వేలు మాత్రమే జీతం తీసుకుంటూ వార్తల్లో నిలిచారు. అభివృద్ధి చెందుతున్న స్టార్టప్ CEO జీతం ఎంతో తెలిస్తే మీరు ఖచ్చితంగా షాక్ అవుతారు. మీరు Cred యాప్ పేరు వినే ఉంటారు. CRED CEO కునాల్ షా జీతం నెలకు 15 వేల రూపాయలు మాత్రమేనట. అంటే సంవత్సరానికి 2 లక్షల రూపాయల కంటే తక్కువే.

ఇన్ స్టాగ్రామ్ వేదికగా ”ఆస్క్ మీ ఎనీ థింట్” అనే కార్యక్రమంలో క్రెడ్ ఫౌండర్ కునాల్ షా పాల్గొన్నారు. ఈ సందర్భంగా ఓ యూజర్ ఆయన జీతం ఎంతుంటుందని ప్రశ్నించారు. అందుకు కునాల్ షా మాట్లాడుతూ తాను రూ.15 వేల జీతాన్ని మాత్రమే తీసుకుంటున్నట్లు తెలిపారు. ఆయన సమాధానం విని యూజర్లు షాక్ అవుతున్నారు. అన్ని కోట్ల ఆస్తి ఉండే కంపెనీ సీఈవో(CEO) అంత తక్కువ జీతం తీసుకోవడం చూసి అందరూ అవాక్కవుతున్నారు. ట్విట్టర్ వంటి సామాజిక సైట్లలో కూడా ఈ విషయం చర్చనీయాంశమైంది.

తమ కంపెనీ లాభాల బాట పట్టేంత వరకూ తాను నెలకు రూ.15 వేల జీతం మాత్రమే తీసుకుంటానని కునాల్ షా తెలిపారు. తాను ఫ్రీఛార్జ్ కంపెనీని అమ్మానని, అలా వచ్చిన డబ్బుతోనే జీవిస్తున్నట్లు కునాల్ షా మరో ప్రశ్నకు సమాధానం ఇచ్చారు. ఈ పోస్ట్‌పై నెట్టింట తీవ్ర చర్చకు దారితీసింది. ఇంత తక్కువ జీతాలు తీసుకుంటామని సీఈవోలు చెప్పడంలో వాస్తవం లేదని కొందరు వ్యాఖ్యానించారు. కంపెనీ ఖర్చులతో రోజుకు లక్షలు ఖర్చు పెడుతుంటాడని, లగ్జరీ లైఫ్ అనుభవిస్తున్నాడని, జీతం విషయం వచ్చేసరికి నెలకు అంత తక్కువే తీసుకుంటున్నాడని పలు విమర్శలు వెల్లువెత్తాయి.

మరిన్ని జాతీయ వార్తల కోసం ఇక్కడ క్లిక్ చేయండి..