Health Tips: కళ్ల నుంచి తరుచూ నీరు కారుతుందా..? ఆ వ్యాధి కావచ్చు.. జాగ్రత్త..
కళ్ల నుంచి నిరంతరం నీరు కారడం అనే సమస్యను లైట్ తీసుకోవద్దు. కొన్నిసార్లు ఈ సమస్య మామూలుగా అనిపించినప్పటికీ.. మరికొన్నిసార్లు కళ్ళు తెరిచి ఉంచడం కష్టమయ్యేంత తీవ్రంగా మారుతుంది. అటువంటి పరిస్థితిలో ఏ వ్యాధి వల్ల కళ్ల నుంచి నిరంతరం నీరు కారుతుందో మీరు తప్పక తెలుసుకోవాలి.
కళ్లలో నీళ్లు కారడం అనేది చాలా మందికి సాధారణంగా ఎదురయ్యే ఒక సమస్య. ఒక్కోసారి తక్కువగా, మరికొన్నిసార్లు కళ్ళు తెరిచి ఉంచడం కూడా కష్టం అయ్యేంత ఎక్కువగా ఈ సమస్య ఉంటుంది. చల్లని గాలి, ధూళి, పొగ, లేదా ఎక్కువ సేపు కంప్యూటర్, మొబైల్ స్క్రీన్లు చూడడం వంటి కారణాల వల్ల తరచుగా కళ్లలో నీళ్లు కారవచ్చు. ఇన్ఫెక్షన్లు, అలెర్జీలు, లేదా కంట్లోకి ధూళి రేణువులు ప్రవేశించినప్పుడు ఈ సమస్య మరింత పెరుగుతుంది. వయస్సు పెరిగే కొద్దీ కన్నీటి నాళాలు బలహీనపడడం వల్ల కూడా నీళ్లు ఎక్కువగా కారుతుంటాయి. కొన్నిసార్లు ఇది తీవ్రమైన కంటి వ్యాధులకు కూడా సంకేతం కావచ్చు.
కళ్లలో నీళ్లు కారడంతో పాటుగా అనేక ఇతర లక్షణాలు కూడా కనిపించవచ్చు. సాధారణంగా కళ్ళు ఎర్రబడటం, మంట, దురద, గుచ్చుతున్నట్లు అనిపించడం లేదా కళ్ళు బరువుగా అనిపించడం వంటివి కనిపిస్తాయి. కొంతమందికి ఎక్కువ కాంతిని చూసినప్పుడు ఇబ్బందిగా అనిపించవచ్చు లేదా దృష్టి మసకబారవచ్చు. కళ్లలో నీళ్లు నిరంతరం కారడం వల్ల కనురెప్పలు జిగటగా మారి అతుక్కుపోవచ్చు. ఈ సమస్య ఇన్ఫెక్షన్ వల్ల వచ్చినప్పుడు నీటితో పాటుగా చీము కూడా రావచ్చు. ఎక్కువ సేపు స్క్రీన్ చూసిన తర్వాత కళ్ళు పొడిబారడం వల్ల కూడా తరచుగా నీళ్లు వస్తుంటాయి. అందువల్ల ఈ లక్షణాలను నిర్లక్ష్యం చేయకుండా వాటిని సకాలంలో గుర్తించడం ముఖ్యం.
కళ్లలో నీళ్లు కారడానికి కారణమయ్యే వ్యాధులు
కండ్లకలక : ఇది కళ్లలో ఎరుపుదనం, వాపు, ఇన్ఫెక్షన్కు కారణమవుతుంది. దీనివల్ల నీరు లేదా చీము బయటకు వస్తుంది.
డ్రై ఐ సిండ్రోమ్ : ఈ సమస్యలో కళ్ళు పొడిబారడం మొదలవుతుంది. కళ్లలో తేమను కాపాడటానికి కన్నీళ్లు పదే పదే వస్తుంటాయి.
అలెర్జిక్ కండ్లకలక : ధూళి, పొగ, పుప్పొడి లేదా పెంపుడు జంతువులకు అలెర్జీ ఉన్నప్పుడు కళ్లలో నీళ్లు కారడం జరుగుతుంది.
గ్లకోమా: కొన్ని సందర్భాల్లో, గ్లకోమా, కార్నియాలో ఇన్ఫెక్షన్, లేదా కన్నీటి నాళాలు మూసుకుపోవడం వల్ల కూడా ఈ సమస్య ఏర్పడుతుంది.
పిల్లలలో: పుట్టుకతోనే కన్నీటి నాళాలు మూసుకుపోవడం వల్ల పిల్లలలో కళ్లలో నీళ్లు కారడం సర్వసాధారణం.
కళ్లను ఎలా సంరక్షించుకోవాలి
కళ్లలో నిరంతరం నీళ్లు కారుతూ, నొప్పి, మసకబారిన దృష్టి లేదా కాంతికి సున్నితంగా మారినట్లయితే వెంటనే వైద్యుడిని సంప్రదించాలి. అయితే కొన్ని జాగ్రత్తలు తీసుకోవడం వల్ల ఈ సమస్యను తగ్గించుకోవచ్చు.
ధూళి, పొగ నుంచి కళ్లను రక్షించుకోండి.
కంప్యూటర్ లేదా మొబైల్ స్క్రీన్పై పనిచేసేటప్పుడు తరచుగా బ్రేక్ తీసుకోండి.
కళ్లను పదే పదే రుద్దకండి.
రోజుకు 2-3 సార్లు శుభ్రమైన నీటితో కళ్లను కడుక్కోండి.
బయటకు వెళ్ళేటప్పుడు సన్ గ్లాసెస్ ధరించండి.
ఈ సాధారణ జాగ్రత్తలు తీసుకుంటూ, అవసరాన్ని బట్టి వైద్య సలహా పొందడం ద్వారా కళ్లను సురక్షితంగా ఉంచుకోవచ్చు.
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)
మరిన్ని లైఫ్ స్టైల్ న్యూస్ కోసం క్లిక్ చేయండి..