Muskmelon: ఖర్భూజా ఆరోగ్యానికి మంచిదే.. కానీ వీరికి మాత్రం విషంతో సమానం! ఎందుకంటే..
వేసవిలో శరీరాన్ని చల్లబరిచే ఆహారాల్లో ఖర్భూజా ఒకటి. దీనిని చాలా మంది ఇష్టంగా తింటారు. దీన్ని తినడం వల్ల దాహం తీరుతుంది. ముఖ్యంగా ఇందులో నీటి శాతం ఎక్కువగా ఉండటం వల్ల, వేసవి తాపాన్ని తట్టుకునే శక్తిని ఇస్తుంది. శరీరానికి అవసరమైన పోషకాలను అందించడమే కాకుండా జీర్ణవ్యవస్థ పనితీరును మెరుగుపరచడంలో కూడా ఇవి సహాయపడతాయి..
వేసవిలో శరీరాన్ని చల్లబరిచే ఆహారం తినడం అందరికీ అలవాటే. ముఖ్యంగా ఈ కాలంలో పుచ్చకాయ, కీర, ఖర్భూజా వంటి పండ్లు ఎక్కువగా తింటూ ఉంటారు. వేసవిలో అధికంగా వచ్చే పండ్లలో ఖర్భూజా ఒకటి. ఇది చాలా మందికి ఇష్టమైన పండు కూడా. దీన్ని తినడం వల్ల దాహం తీరుతుంది. ముఖ్యంగా ఇందులో నీటి శాతం ఎక్కువగా ఉండటం వల్ల, వేసవి తాపాన్ని తట్టుకునే శక్తిని ఇస్తుంది. ఇందులో విటమిన్ ఇ, జింక్, ఒమేగా-3 కొవ్వు ఆమ్లాలు, ఫైబర్ వంటి అనేక పోషకాలు పుష్కలంగా ఉంటాయి. శరీరానికి అవసరమైన పోషణను అందించడమే కాకుండా జీర్ణవ్యవస్థ పనితీరును మెరుగుపరచడంలో కూడా ఇవి సహాయపడతాయి. అయితే కొన్ని ఆరోగ్య సమస్యలు ఉన్నవారు ఖర్భూజా తినకూడదని ఆరోగ్య నిపుణులు హెచ్చరిస్తున్నారు. అవేంటో ఇక్కడ తెలుసుకుందాం..
- డయాబెటిస్ ఉన్నవారు సాధారణంగా ఖర్భూజా ఎక్కువగా తినకూడదు. నిపుణుల అభిప్రాయం ప్రకారం ఈ పండు గ్లైసెమిక్ ఇండెక్స్ 60-80 మధ్య ఉంటుంది. అందువల్ల ఈ పండు అధికంగా తీసుకుంటే, రక్తంలో చక్కెర స్థాయిలు పెరగవచ్చు. కాబట్టి డయాబెటిస్ ఉన్నవారు దీన్ని తినడానికి ముందు వైద్యుడిని సంప్రదించడం మంచిది.
- అలెర్జీలు లేదా చర్మ సమస్యలతో బాధపడేవారు పుచ్చకాయ తినకూడదని నిపుణులు అంటున్నారు. ఎందుకంటే కొంతమందికి ఈ పండు తిన్న వెంటనే దద్దుర్లు, దురద, వాపు వస్తుంది. కాబట్టి, ఈ పండును వైద్యుడి సలహా మేరకు మాత్రమే తీసుకోవడం మంచిది.
- పేగు సమస్యలు, గ్యాస్, ఉబ్బరం, ఇరిటబుల్ బవెల్ సిండ్రోమ్ (ఐబిఎస్) ఉన్నవారు కార్బోహైడ్రేట్లు తినకూడదని నిపుణులు చెబుతున్నారు. ఇందులో ఫైబర్ అధికంగా ఉండటం వల్ల, జీర్ణక్రియపై ప్రభావం చూపే అవకాశం ఉంది. అధికంగా తీసుకుంటే అది ప్రేగులలో వాయువును పెంచి, అసౌకర్యాన్ని కలిగిస్తుంది.
- సాధారణంగా కిడ్నీ సమస్యలతో బాధపడేవారు పుచ్చకాయ తినకూడదు. ఇందులోని అధిక పొటాషియం కంటెంట్ మూత్రపిండాల పనితీరును ప్రభావితం చేస్తుంది. మూత్రపిండాలు సరిగ్గా పనిచేయకపోతే, శరీరంలో పొటాషియం పేరుకుపోయి ఆరోగ్య సమస్యలను కలిగిస్తుంది.
- పుచ్చకాయలో 90 శాతం నీరు ఉంటుంది. ఇది అధికంగా తీసుకుంటే శరీరంలో సోడియం స్థాయిలు తగ్గవచ్చు. తద్వారా హైపోనాట్రేమియా అనే సమస్య పెరగవచ్చు. దీనివల్ల శరీరంలో వాపు, నిర్జలీకరణం, మూత్రపిండాల సమస్యలు వస్తాయి.
ఉదయం లేదా మధ్యాహ్నం ఖర్భూజా తినడం మంచిది. కానీ ఖాళీ కడుపుతో తినడం సరికాదు. ఇది గ్యాస్, ఉబ్బరం, జీర్ణ సమస్యలకు దారితీస్తుంది. అలాగే రాత్రిపూట కూడా తినకూడదు. మధుమేహం, మూత్రపిండాల సమస్యలు, చర్మ అలెర్జీలు, గ్యాస్ట్రిక్ సమస్యలతో బాధపడేవారు ఈ పండును మితంగా లేదా వైద్యుడి సలహా మేరకు మాత్రమే తీసుకోవడం మంచిది.
గమనిక: ఈ కంటెంట్ సాధారణ సమాచారం కోసం మాత్రమే అందిస్తుంది. మరింత సమాచారం కోసం వైద్యుడిని సంప్రదించడం మంచిది.
మరిన్ని ఆరోగ్య వార్తల కోసం క్లిక్ చేయండి.