నో-ఫ్రాస్ట్ vs డైరెక్ట్-కూల్.. మీ ఇంట్లోకి ఏ రకమైన రిఫ్రిజిరేటర్ టెక్నాలజీ సరైనది?
ఫ్రిడ్జ్ కొనుగోలు చేసేటప్పుడు డైరెక్ట్-కూల్, ఫ్రాస్ట్-ఫ్రీ టెక్నాలజీల మధ్య తేడాను తెలుసుకోవడం చాలా ముఖ్యం. డైరెక్ట్-కూల్ రిఫ్రిజిరేటర్లలో గాలి సహజద్ధంగా ప్రసరిస్తుంది, దీనివల్ల తక్కువ విద్యుత్ ఖర్చవుతుంది కానీ ఫ్రీజర్‌లో గడ్డ కట్టిన మంచును ఎప్పటికప్పుడు మాన్యువల్‌గా తొలగించాలి. మరోవైపు, ఫ్రాస్ట్-ఫ్రీ రిఫ్రిజిరేటర్లలో ఫ్యాన్లు,ఆటోమేటిక్ హీటింగ్ ఎలిమెంట్స్ ఉండటం వల్ల మంచు గడ్డకట్టదు. ఇవి ఆహారాన్ని ఎక్కువ కాలం తాజాగా ఉంచుతాయి. లింగ్ అన్ని భాగాలకు సమానంగా అందుతుంది. అయితే వీటిలో విద్యుత్ వినియోగం కొంచెం ఎక్కువగా ఉంటుంది. కుటుంబ అవసరాలు ,బడ్జెట్ బట్టి సరైన దాన్ని ఎంచుకోవాలి.
ఇంటికోసం కొత్త రిఫ్రిజిరేటర్ కొనేటప్పుడు కేవలం దాని డిజైన్, ధర లేదా స్టోరేజ్ కెపాసిటీని మాత్రమే చూసి నిర్ణయం తీసుకోకూడదు. దాని వెనుక ఉన్న కూలింగ్ టెక్నాలజీని అర్థం చేసుకోవడం చాలా అవసరం. మార్కెట్లో ప్రధానంగా డైరెక్ట్-కూల్, ఫ్రాస్ట్-ఫ్రీ టెక్నాలజీలతో కూడిన ఫ్రిడ్జ్‌లు లభిస్తాయి. ఆహారాన్ని తాజాగా ఉంచడమే వీటి ప్రధాన ఉద్దేశమైనప్పటికీ, అవి పనిచేసే పద్ధతులు పూర్తిగా భిన్నంగా ఉంటాయి.
డైరెక్ట్-కూల్ టెక్నాలజీ ఎలా పనిచేస్తుంది?:
డైరెక్ట్-కూల్ రిఫ్రిజిరేటర్లలో గాలి ఎలాంటి ఫ్యాన్ల సహాయం లేకుండా సహజ పద్ధతిలో ప్రసరిస్తుంది. ఈ రకమైన ఫ్రిడ్జ్‌లు తక్కువ విద్యుత్‌ను వినియోగిస్తాయి. వీటి ప్రారంభ ధర కూడా తక్కువగా ఉంటుంది. అయితే, ఫ్రీజర్ భాగంలో కాలక్రమేణా మంచు గడ్డకట్టుకుపోతుంది. దీన్ని క్లీన్ చేయడానికి ఎప్పటికప్పుడు మ్యాన్యువల్‌గా డీఫ్రాస్ట్ చేయాల్సి ఉంటుంది. సింగిల్ పర్సన్స్, చిన్న కుటుంబాలు లేదా తక్కువ బడ్జెట్ కోరుకునే వారికి ఇది ఉపయోగకరమైన ఆప్షన్.
ఫ్రాస్ట్-ఫ్రీ టెక్నాలజీ విశేషాలు:
ఫ్రాస్ట్-ఫ్రీ ఫ్రిడ్జ్‌లలో ప్రత్యేకమైన ఫ్యాన్లు, ఆటోమేటిక్ హీటింగ్ ఎలిమెంట్స్ ఉంటాయి. ఇవి ఫ్రిడ్జ్ లోపల అన్ని భాగాలకు చల్లటి గాలిని సమానంగా అందిస్తాయి. అంతేకాకుండా, కూలింగ్ కాయిల్స్‌పై మంచు పేరుకుపోకుండా ఆటోమేటిక్‌గా కరిగిపోయేలా చూస్తాయి. దీనివల్ల ఫ్రీజర్‌లో ఎప్పుడూ మంచు గడ్డలు ఏర్పడవు. మనం చేత్తో శుభ్రం చేయాల్సిన అవసరం ఉండదు. పెద్ద కుటుంబాలు, ఎక్కువ రోజులకు సరిపడా ఆహార పదార్థాలను నిల్వ చేసుకునేవారికి ఇది చాలా సౌకర్యంగా ఉంటుంది. అయితే, ఫ్యాన్లు, ఆటోమేటిక్ సిస్టమ్ కారణంగా ఇవి డైరెక్ట్-కూల్ మోడళ్ల కంటే కొద్దిగా ఎక్కువ విద్యుత్‌ను వినియోగిస్తాయి.
మీకు ఏది మంచిది?:
మీ కుటుంబ సభ్యుల సంఖ్య, వంటగదిలో లభించే స్థలం, బడ్జెట్, విద్యుత్ వినియోగాన్ని బట్టి సరైన ఫ్రిడ్జ్‌ను ఎంచుకోవాలి. తక్కువ ఖర్చుతో సాధారణ అవసరాలు తీర్చుకోవాలనుకుంటే డైరెక్ట్-కూల్ మంచిది. ఎలాంటి మంచు గడ్డకట్టే సమస్య లేకుండా, ఆహారాన్ని ఎక్కువ కాలం తాజాగా ఉంచుకోవాలనుకుంటే మాత్రం ఫ్రాస్ట్-ఫ్రీ రిఫ్రిజిరేటర్ ఉత్తమమైన ఎంపిక అవుతుంది.
మరిన్ని లైఫ్ స్టైల్ న్యూస్ కోసం క్లిక్ చేయండి..