నిశ్చితార్థం తర్వాత అమ్మాయి, అబ్బాయి ఈ 4 విషయాలు కచ్చితంగా గుర్తుంచుకోవాలి.. లేదంటే..?
Engagement: పెళ్లి అనే క్షణం ప్రతి ఒక్కరి జీవితంలో మధురమైనది. పెళ్లికి ముందు నిశ్చితార్థం జరుగుతుంది. ఇది వివాహానికి సంబంధించిన
Engagement: పెళ్లి అనే క్షణం ప్రతి ఒక్కరి జీవితంలో మధురమైనది. పెళ్లికి ముందు నిశ్చితార్థం జరుగుతుంది. ఇది వివాహానికి సంబంధించిన ఒక రకమైన అధికారిక ప్రకటన. దీంతో ఈ సంబంధం అధికారికంగా మారిందని అందరికి తెలుస్తుంది. ప్రేమ వివాహమైతే అబ్బాయి, అమ్మాయి మధ్య అప్పటికే ఒక ఒప్పందం ఉంటుంది. ఇద్దరికీ ఒకరినొకరు పూర్తిగా తెలుసు. కానీ పెద్దలు కుదిర్చిన వివాహాలలో ఇది జరగదు. ఈ వివాహంలో ఇద్దరు వ్యక్తులు ఒకరినొకరు అర్థం చేసుకోవాలి. ఈ పరిస్థితుల్లో అబ్బాయి, అమ్మాయి చాలా జాగ్రత్తగా ఉండాలి. లేదంటే సంబంధం చెడిపోయే అవకాశాలు ఉంటాయి. మీకు నిశ్చితార్థం జరిగి, త్వరలో పెళ్లి చేసుకోబోతున్నట్లయితే ఈ విషయాలను గుర్తుంచుకోండి.
1. ఎక్కువ మాట్లాడవద్దు
పెళ్లి నిశ్చయమైన తర్వాత అబ్బాయి, అమ్మాయి గంటల తరబడి ఫోన్‌లో, వీడియో కాల్స్‌లో మాట్లాడుకోవడం తరచుగా కనిపిస్తుంది. ఈ సమయంలో ఇద్దరూ ఒకరినొకరు గమనించుకుంటారు. ఒక వ్యక్తి ఎక్కువగా మాట్లాడితే తప్పుగా భావిస్తారు. ఇద్దరిలో ఒకరి నోటి నుంచి ఏదో ఒక విషయం వస్తుంది అది వారి సంబంధాన్ని ప్రభావితం చేస్తుంది. కాబట్టి వివాహం పూర్తయ్యే వరకు మీ భాగస్వామితో తక్కువగా మాట్లాడండి. తక్కువగా కలవండి వీలైతే అసలు కలవకండి.
2. సంభాషణ గౌరవప్రదంగా ఉండాలి
మీ సంభాషణ, భాష, మాటలపై శ్రద్ధ వహించండి. అలాగే భాగస్వామికి పూర్తి గౌరవం ఇవ్వండి. పెళ్లయ్యాక ఒకరిపై ఒకరికి నమ్మకం, గౌరవం మీ బంధాన్ని మధురంగా ఉంచుతాయి. కాబట్టి ఎప్పుడూ అసభ్యంగా ప్రవర్తించకండి. ఒకరికొకరు గౌరవం ఇచ్చి పుచ్చుకోవాలి. అప్పుడే బంధం నిలబడుతుంది.
3. గొప్పలు వద్దు
కొందరు వ్యక్తులు ఎదుటివారిపై ఆధిపత్యం చెలాయిస్తారు. ఇతరులపై కూడా తమ ఆధిపత్యాన్ని చాటుతారు. వైవాహిక జీవితంలో ఇద్దరు వ్యక్తులు జీవిత భాగస్వాములు అవుతారని గుర్తుంచుకోండి. ఈ సంబంధంలో ఇద్దరి స్థితి సమానంగా ఉంటుంది. అటువంటి పరిస్థితిలో మీరు ఎట్టి పరిస్థితుల్లోనూ మీ భాగస్వామిని అణచివేయడానికి ప్రయత్నించకూడదు. మీ అహంకారం మీ సంబంధంలో చీలికను తెచ్చిపెడుతుంది. ఒకరి కోరికలను ఒకరు గౌరవించండి అర్థం చేసుకోవడానికి ప్రయత్నించండి.
4. కుటుంబం గురించి చెడుగా చెప్పకండి
అబ్బాయి అయినా, అమ్మాయి అయినా ఇద్దరూ తమ కుటుంబ సభ్యులను గౌరవించాలని ఆశిస్తారు. అందువల్ల కుటుంబం గురించి ఎప్పుడూ చెడు మాటలు చెప్పకండి. అది ఎదుటి వ్యక్తికి చెడుగా అనిపిస్తుంది. అటువంటి పరిస్థితిలో మీ సంబంధం విచ్ఛిన్నమవుతుంది. కాబట్టి వివాహం వరకు జాగ్రత్తగా ఉండటం మంచిది.