Yoga Pose Halasana : మీ దాంపత్య జీవితం శృంగార భరితం కావాలంటే ఈ ఆసనం వేయండి.. అయితే కండిషన్స్ అప్లై
మానసిక ఒత్తిడి ని తగ్గించుకోవడానికి శారీరక ఆరోగ్యం కోసం యోగా ఎంతో ప్రయోజనకారి. ఇక యోగాలో ఒకరకమైన ఆసనం హలాసనం గురించి ఈరోజు తెలుసుకుందాం. ఈ ఆసనం ఎలా వేయాలి.. ఏ విధమైన ప్రయోజనాలున్నాయి..
Yoga Pose Halasana : మానసిక ఒత్తిడి ని తగ్గించుకోవడానికి శారీరక ఆరోగ్యం కోసం యోగా ఎంతో ప్రయోజనకారి. ఇక యోగాలో ఒకరకమైన ఆసనం హలాసనం గురించి ఈరోజు తెలుసుకుందాం. ఈ ఆసనం ఎలా వేయాలి.. ఏ విధమైన ప్రయోజనాలున్నాయి.. ఎవరు ఈ ఆసనానికి దూరంగా ఉండాలి చూద్దాం..!
హలాసనం యోగాలో ఒక విధమైన ఆసనం. నాగలి రూపంలో ఉంటుంది కనుక ఈ ఆసనాన్ని హలాసనమంటారు. ఈ ఆసనం వేయు సమయంలో సెర్వికల్ వెన్నెముకపై గణనీయమైన ఒత్తిడి ఉంటుంది. మామూలు పరిస్థితుల్లో ఈ భాగంపై ఈ రకమైన ఒత్తిడి ఉండదు. కనుక ఈ ఆసనం వేయునప్పుడు సరైన పద్దతులను అనుసరించాలి. లేదంటే గాయం అయ్యే ఛాన్స్ ఉంది.
హలాసనం వేయాలనుకునేవారు విపరీత కర్ణిక మరియు సర్వాంగాసనాలను వేయటంలో నిష్ణాతులై ఉండాలి. ఈ హలాసనం దాదాపు పశ్చిమోత్తాసనానికి దగ్గరగా ఉంటుంది.
హలాసనం వేయు పద్ధతి:
మొదట శవాసనం వేయాలి.
తరువాత కాళ్ళు రెండూ కలిపి మెల్లమెల్లగా తలవైపుగా నేలపై ఆనించాలి.
చేతులు నేలమీద చాపి గాని, తలవైపు మడచిగాని ఉంచాలి.
ఈ స్థితిలో మీ వక్షస్థలం గడ్డానికి తగలాలి.
ఆసనంలో ఉన్నంతసేపూ శ్వాసను బయటనే ఆపాలి. పొట్టను లోపలికి పీల్చి ఉంచితే ఈ ఆసనం సులువుగా వేయవచ్చును.
అయితే చేతులపై ఎటువంటి ఒత్తిడిని పెట్టకండి
ప్రయోజనం
హలాసనం వలన వెన్నెముక సంబంధిత కండరాలకు, నరాలకు బలం హెచ్చుతుంది. వెన్నెముక మృదువుగా ఉంటుంది. మెడకు రక్తప్రసారం చక్కగా జరుగుతుంది. నడుము సన్నబడుతుంది. బాణపొట్ట తగ్గుతుంది. ఈ ఆసనం కూడా సెక్స్ సామర్థ్యం పెరగడానికి దోహదం చేస్తుంది. .
గమనిక
హలాసనాన్ని గర్భిణీ స్త్రీలు వేయరాదు. ఆసనం వేస్తున్న సమయంలో ఉదర భాగంలో నొప్పి అనిపిస్తే వెంటనే ఆపివేయడం మంచిది. అధిక రక్తపోటు గలవారు, గుండెజబ్బులు, వరిబీజం, అల్సర్, స్పాండిలోసిన్ వున్నవారు హలాసనం వేయకూడదు.
Also Read: