స్మార్ట్ఫోన్ వాడుతున్నారా? ఈ ఎఫెక్ట్స్ ఉంటాయని తెలిస్తే దాని జోలికే వెళ్లరు
కంటికి కనిపించని ఒక భయంకరమైన వ్యాధి రోజురోజుకూ విస్తరిస్తోంది. గడప గడపకూ చేరువైన టెక్నాలజీ, నిరంతరం వెంటాడే స్మార్ట్ఫోన్లు, వై-ఫై రౌటర్లే ఈ మహమ్మారికి కారణమని చాలామంది ఆందోళన చెందుతున్నారు. గంటల తరబడి స్క్రీన్ల ముందు గడపడం, తీవ్రమైన ఒత్తిడి మెదడులో కణితులు పెరగడానికి దారితీస్తాయా? శాస్త్రీయంగా ఈ అనుమానాలకు బలం ఉందా? లేక ఇదంతా అపోహేనా?
మొబైల్ ఫోన్లు, వై-ఫై పరికరాల నుండి వెలువడే రేడియోఫ్రీక్వెన్సీ (RF) రేడియేషన్ గురించి ప్రపంచవ్యాప్తంగా చర్చ జరుగుతోంది. ఎక్స్-రేల వంటి అయనీకరణ రేడియేషన్ (Ionizing Radiation) ప్రమాదకరమని అందరికీ తెలుసు. అయితే, ఫోన్ల నుంచి వచ్చేది తక్కువ శక్తి గల ‘నాన్-అయొనైజింగ్ రేడియేషన్’. దీనివల్ల బ్రెయిన్ క్యాన్సర్ వస్తుందని ఇప్పటివరకు ఎటువంటి ఖచ్చితమైన ఆధారాలు దొరకలేదు. కొన్ని పరిశోధనల్లో ఫలితాలు మిశ్రమంగా ఉన్నప్పటికీ, మొబైల్ వాడకానికీ, ట్యూమర్లకూ ప్రత్యక్ష సంబంధం ఉందని చెప్పలేమని క్యాన్సర్ నిపుణులు స్పష్టం చేస్తున్నారు.
అధిక స్క్రీన్ టైమ్
స్క్రీన్ సమయం నేరుగా ట్యూమర్లను పెంచకపోయినా, అది ఇతర మార్గాల్లో ఆరోగ్యాన్ని దెబ్బతీస్తోంది. రాత్రిపూట నీలి కాంతికి గురికావడం వల్ల నిద్ర నాణ్యత దెబ్బతింటోంది. మెలటోనిన్ ఉత్పత్తికి ఆటంకం కలగడం వల్ల నిద్ర చక్రం అస్తవ్యస్తమవుతోంది. శారీరక శ్రమ తగ్గడం, కంటి ఒత్తిడి, మానసిక అలసట, తలనొప్పులు వంటి సమస్యలు సాధారణమవుతున్నాయి. ఒత్తిడి అనేది రోగనిరోధక శక్తిని తగ్గిస్తుందనేది వాస్తవం, కానీ అదే మెదడు కణితులకు కారణమని చెప్పే శాస్త్రీయ ఆధారాలు లేవు.
అసలు కారణాలు..
- మెదడు కణితులు ఎందుకు వస్తాయో ఇప్పటికీ పూర్తిస్థాయిలో స్పష్టత లేదు. అయితే శాస్త్రవేత్తలు కొన్ని ప్రమాద కారకాలను గుర్తించారు.
- జన్యుపరమైన మార్పులు లేదా వారసత్వంగా వచ్చే సిండ్రోమ్లు.
- అధిక మోతాదులో అయోనైజింగ్ రేడియేషన్కు గురికావడం.
- పెరుగుతున్న వయస్సు.
- కేన్సర్ కుటుంబ చరిత్ర.
- అరుదైన సందర్భాల్లో పర్యావరణ విషపదార్థాల ప్రభావం.
జాగ్రత్తే మందు!
ఏది ఏమైనా, టెక్నాలజీని విచక్షణారహితంగా వాడటం శారీరక, మానసిక ఆరోగ్యంపై తీవ్ర ప్రభావం చూపుతుంది. క్రమం తప్పకుండా వ్యాయామం చేయడం, సమతుల్య పోషణ తీసుకోవడం, ఒత్తిడిని తగ్గించుకోవడం చాలా ముఖ్యం. ముఖ్యంగా రెగ్యులర్ చెకప్ల ద్వారా మెదడు ఆరోగ్యంపై నిఘా ఉంచడం ఉత్తమం. టెక్నాలజీని పరిమితంగా వాడుకుంటూ, ప్రకృతికి, శరీరానికి సమయం కేటాయిస్తేనే ఆరోగ్యకరమైన జీవితం సాధ్యమవుతుంది. అతి ఏ విషయంలోనూ మంచిది కాదు. అప్రమత్తంగా ఉండి, ఆరోగ్య సూత్రాలను పాటిస్తే ఈ మహమ్మారి దరిచేరదు.