Possession of Dagger : అనుమానాస్పదంగా సంచారం.. తనిఖీ చేస్తే అదిరిపోయే డాగ్గర్.. పాతబస్తీలో అంతే.. అంతే..!

లైట్ కలర్ ఫుల్ హ్యాండ్స్ షర్ట్, ఫేస్ కి సర్జికల్ టైప్ మాస్క్, బక్కపలచ్చని శరీరం. సాదాసీదా నడక. చూస్తే ఎవ్వరూ రౌడీ అనో, కేడీ అనో అస్సలు..

  • Venkata Narayana
  • Publish Date - 4:55 pm, Wed, 13 January 21
Possession of Dagger : అనుమానాస్పదంగా సంచారం.. తనిఖీ చేస్తే అదిరిపోయే డాగ్గర్.. పాతబస్తీలో అంతే.. అంతే..!

లైట్ కలర్ ఫుల్ హ్యాండ్స్ షర్ట్, ఫేస్ కి సర్జికల్ టైప్ మాస్క్, బక్కపలచ్చని శరీరం. సాదాసీదా నడక. చూస్తే ఎవ్వరూ రౌడీ అనో, కేడీ అనో అస్సలు ఊహించరు. అయితే, హైదరాబాద్ టాస్క్ ఫోర్స్ పోలీస్ లకు మాత్రం ఎందుకనో డౌటొచ్చింది. ఆపి.. ఎవరు నువ్వు..? అని ప్రశ్నించారు. కట్ చేస్తే మహా కేటుగాడని అర్థమైపోయింది. హైదరాబాద్ పాతబస్తీలోని యాక్టివ్ రౌడీ షీటర్ అని తెలిసిపోయింది. దీంతో ఎక్కడికి వెళ్తున్నావ్, ఏమున్నాయ్ దగ్గర అంటూ తనిఖీ చేశారు. కట్ చేస్తే, మనుషుల పేగులుతోడేసే డేంజరస్ డాగ్గర్ అతని దగ్గర ఉంది. వెంటనే అతన్ని అదుపులోకి తీసుకొని అతని వద్ద ఉన్న ఆయుధాన్ని(డాగ్గర్) స్వాధీనం చేసుకున్నారు.

అరెస్టు చేసిన నిందితుడ్ని తదుపరి చర్యల కోసం ఫలక్ నుమా పోలీస్ స్టేషన్‌కు అప్పగించారు. పోలీసులు కేసు నమోదు చేసి జ్యుడీషియల్ కస్టడీకి రిమాండ్ చేశారు. నిందితుడి పేరు మొహద్ మజారుద్దీన్ అలియాస్ ముజ్జు, అలియాస్ మజ్జా, అలియాస్ మొహద్ నసీర్ అని, అతని వయస్సు 26 ఏళ్లని హైదరాబాద్, ఫలక్ నుమాకు చెందిన యాక్టివ్ రౌడీ షీటర్ అని టాస్క్‌ఫోర్స్, సౌత్‌జోన్ ఇన్‌స్పెక్టర్ ఎస్.రాఘవేంద్ర తెలిపారు.