Saudi King : తొలి టీకా తీసుకున్న సౌదీ రాజు సల్మాన్ బిన్.. దేశవ్యాప్తంగా మూడు దశల్లో వ్యాక్సినేషన్ పంపిణీ

Saudi king receives first dose : సౌదీ అరేబియా రాజు సల్మాన్ బిన్ అబ్దులాజిబ్ తొలి కరోనా వ్యాక్సిన్ తీసుకున్నారు. ఈ మేరకు ఆయన.. నియోం నగరంలో ఫైజర్​-బయోఎన్​టెక్​ టీకా వేయించుకున్నట్టు స్థానిక మీడియా వెల్లడించింది. ఈ సందర్భంగా.. సల్మాన్​కు అక్కడి ఆరోగ్య మంత్రి తౌఫిక్ అల్​-రబయా కృతజ్ఞతలు తెలిపారు. సౌదీ యువరాజు మహ్మద్​ బిన్​ సల్మాన్​ తోపాటు ఆయన సోదరుడు ఖలీద్​ బిన్​ సల్మాన్​ సహా.. ఇతర సీనియర్​ అధికారులు ఇప్పటికే టీకా తొలి మోతాదును తీసుకున్నవారిలో ఉన్నారు.

ఈ మేరకు.. గల్ఫ్​ ప్రాంతంలో ఫైజర్​ టీకా వినియోగాన్ని ఆమోదించిన రెండో దేశంగా సౌదీ అరేబియా నిలిచింది. బహ్రెయిన్​ ఈ జాబితాలో తొలిస్థానాన్ని దక్కించుకుంది.

అయితే.. సౌదీ వ్యాప్తంగా మూడు దశల్లో వ్యాక్సినేషన్‌ను ఆరోగ్య మంత్రిత్వ శాఖ నిర్వహిస్తోంది. ప్రతి దశలోనూ నిర్దిష్ట జనాభా ఆధారంగా టీకా పంపిణీ చేస్తామని పేర్కొంది. ఇందుకోసం రియాద్​, మక్కా, తూర్పు ప్రావిన్సులోని మూడు వ్యాక్సిన్​ కేంద్రాలలో.. ఇప్పటివరకు లక్ష మందికిపైగా వ్యాక్సినేషన్​ కోసం తమ పేర్లను నమోదు చేయించుకున్నారు.

ఇవి కూడా చదవండి :

Racial Abuse : భారత ఆటగాళ్లపై ఆసీస్ అభిమానుల బండబూతులు.. ఐసీసీకి ఫిర్యాదు చేసిన బీసీసీఐ