Victrina: ముంబయి చేరుకున్న విక్ట్రీనా దంపతులు.. తొలిసారి బయట జంటగా కనిపించి సందడి..
బాలీవుడ్ ప్రేమ పక్షులు కత్రినా కైఫ్‌- విక్కీ కౌశల్‌ ఇటీవలే వైవాహిక బంధంలోకి అడుగుపెట్టారు. రాజస్థాన్‌లోని సవాయ్ మాధోపూర్‌లో ఉన్న సిక్స్ సెన్సెస్ ఫోర్ట్ బర్వరా హాటల్‌ వేదికగా వీరి వివాహం గ్రాండ్‌గా జరిగింది.
బాలీవుడ్ ప్రేమ పక్షులు కత్రినా కైఫ్‌- విక్కీ కౌశల్‌ ఇటీవలే వైవాహిక బంధంలోకి అడుగుపెట్టారు. రాజస్థాన్‌లోని సవాయ్ మాధోపూర్‌లో ఉన్న సిక్స్ సెన్సెస్ ఫోర్ట్ బర్వరా హాటల్‌ వేదికగా వీరి వివాహం గ్రాండ్‌గా జరిగింది. ఇరు కుటుంబ సభ్యులు, సన్నిహితులు, స్నేహితులతో పాటు పలువురు బాలీవుడ్ ప్రముఖులు ఈ వేడుకకు హాజరై నూతన వధూవరులకు శుభాకాంక్షలు తెలిపారు. ప్రస్తుతం ఈ పెళ్లి వేడుకకు సంబంధించిన ఫొటోలు, వీడియోలు సోషల్‌ మీడియాలో వైరల్‌గా మారుతున్నాయి. అయితే ఇప్పటివరకు తమ ప్రేమ, పెళ్లి తదితర విషయాలపై కత్రినా, విక్కీ కానీ ఒక్కసారి కూడా నోరు విప్పలేదు. అయితే మొదటిసారి జంటగా కనిపించారీ నూతన వధూవరులు. వివాహ వేడుక అనంతరం ఈరోజు (డిసెంబర్‌14) ముంబయి చేరుకున్న విక్ట్రీనా జోడి ..అక్కడి విమానాశ్రయంలో జంటగా ఫొటోలకు పోజులిచ్చారు.
ఈ సందర్భంగా కత్రినా చుడీదార్‌ ధరించి నుదట తిలకంతో, విక్కీ ఫార్మల్‌ లుక్‌లో కనిపించారు. ఇద్దరూ ఒకరిచేయి మరొకరు పట్టుకుని తమకు స్వాగతం చెప్పడానికి వచ్చిన వారిని, మీడియా ప్రతినిధులను ఆత్మీయంగా పలకరించారు. దీనికి సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. గత కొన్ని నెలలుగా ప్రేమలో ఉన్న విక్ర్టీనా తమ రిలేషన్‌షిప్‌ గురించి ఎప్పుడూ అధికారికంగా మాట్లాడలేదు. జంటగా కూడా ఎక్కడా కనిపించలేదు. పెళ్లి వరకు అదే గోప్యత పాటించారు. ఈ నేపథ్యంలో మొదటిసారి ఒకరి చేయి మరొకరు పట్టుకుని భార్యాభర్తలు కనిపించడంతో ఫ్యాన్స్‌ అంతా మురిసిపోతున్నారు.
Also Read:
Ketika Sharma: కేతిక శర్మ లేటెస్ట్ “రొమాంటిక్” పిక్స్..
Bigg Boss 5 Telugu: బిగ్బాస్ వేదికపై బాలీవుడ్ స్టార్స్.. ఫినాలేలో సందడి చేయనున్న దీపికా.. అలియా..