పెళ్లైన 4 రోజుల‌కే భార్య‌ను వదిలి పారిపోయిన యువ‌కుడు..

క‌ర్నూలు జిల్లాలో ఇటీవ‌ల పెళ్లి చేసుకున్న యువ‌కుడు..చెప్పాపెట్ట‌కుండా ఎక్క‌డికో ఎస్కేప్ అయ్యాడు. కోవెలకుంట్ల పట్టణంలోని ఆర్టీసి బస్టాండ్ సమీపంలో నివాసం ఉంటున్న వీరాకుమార్ వివాహమైన నాలుగు రోజులకే నవ వధువును ఇంట్లో వదిలి పారిపోయాడు. దీంతో ఏం చెయ్యాలే పాలుపోని న‌వ వ‌ధువు పోలీసుల‌ను ఆశ్ర‌యించింది. హైదరాబాద్ లో సాఫ్ట్ వేర్ ఇంజనీర్ గా పనిచేస్తున్నాడు వీరాకుమార్. ప్రేమ వ్యవహారమే వరుడు పారిపోవడానికి కారణమని వధువు బంధువుల ఆరోపిస్తున్నారు. త‌మ కూతురు జీవితాన్ని న‌డిరోడ్డున ప‌డేశార‌ని ఆవేద‌న వ్య‌క్తం చేస్తున్నారు. కేసు నమోదు చేసిన కోవెలకుంట్ల పోలీసులు..వీరాకుమార్ కోసం గాలిస్తున్నారు.