భారతీయ నర్సుపై ఆస్ట్రేలియన్ మాజీ క్రికెటర్ ఆడమ్ ప్రశంసలు..!
కరోనా విపత్కర పరిస్థితుల్లో లాక్‌డౌన్ విధించడం వలన చాలా మంది భారతీయులు విదేశాల్లో చిక్కుకున్న విషయం తెలిసిందే. ఇందులో వైద్య విద్యను అభ్యసించే వారు, నర్సులుగా పనిచేసే వారు చాలా మందే ఉన్నారు.
కరోనా విపత్కర పరిస్థితుల్లో లాక్‌డౌన్ విధించడం వలన చాలా మంది భారతీయులు విదేశాల్లో చిక్కుకున్న విషయం తెలిసిందే. ఇందులో వైద్య విద్యను అభ్యసించే వారు, నర్సులుగా పనిచేసే వారు చాలా మందే ఉన్నారు. అయితే ఈ క్లిష్ట పరిస్థితుల్లో చాలా మంది నర్సులు, డాక్టర్లు తమ సేవలను అక్కడ అందిస్తున్నారు. అలా ఆస్ట్రేలియాలో సేవలను అందిస్తోన్న ఓ భారతీయ నర్సుపై ఆ దేశ మాజీ క్రికెటర్ ఆడమ్ గిల్‌క్రిస్ట్ ప్రశంసలు కురిపించారు. ఆమె చేస్తున్న సేవ మరవనిదని ఓ వీడియోలో తన సందేశాన్ని పంపారు.
వివరాల్లోకి వెళ్తే కేరళలోని కొట్టాయమ్‌ కురుప్పున్‌త్ర గ్రామానికి చెందిన షరోన్ వర్గీస్‌(22) అనే యువతి నర్సింగ్ విద్య కోసం ఆస్ట్రేలియాకు వెళ్లింది. అక్కడే తన విద్యను కూడా పూర్తి చేసుకుంది. అయితే అదే సమయంలో కరోనా రావడంతో షరోన్ డైలామాలో ఉండిపోయింది. అక్కడే ఉండాలా..? లేక దేశానికి వెళ్లాలా..? అన్న ఆలోచనలో పడిపోయింది. అదే సమయంలో కువైట్‌లో నర్సుగా పనిచేస్తున్న తన తల్లికి ఫోన్ చేసింది షరోన్. ఇలాంటి పరిస్థితుల్లో అక్కడే ఉండి సేవ చెయ్యి అన్న తల్లి మాటలతో అక్కడే ఉండిపోయిన షరోన్, ఆస్ట్రేలియాలోని ఓ ఆసుపత్రిలో సేవలు అందిస్తోంది. రాత్రి, పగలు తేడా లేకుండా కరోనా బారిన పడిన బాధితులు కోలుకునేందుకు తనవంతు సహాయం చేస్తోంది. ఈ విషయం తెలిసిన మాజీ క్రికెటర్ ఆడమ్.. షరోన్‌పై ప్రశంసలు కురిపించారు.
Read This Story Also: మీకో షాకింగ్ న్యూస్.. మూడేళ్ల క్రితమే పెళ్లి చేసుకున్నా: సింగర్ మోనాలి