చెన్నైలో ఐటీ రైడ్స్.. రూ.14.54 కోట్లు సీజ్​

తమిళనాడు : చెన్నైలో ఒకే రోజు 18 చోట్ల ఆదాయ పన్ను శాఖ సోదాలు నిర్వహించింది. లెక్క చూపని రూ.14.54 కోట్ల నగదును అధికారులు సీజ్​ చేశారు. ఇందులో రూ.13.80కోట్లు పీఎస్​కే నిర్మాణ సంస్థ కార్యాలయ ప్రాంగణంలో గుర్తించారు. ఆదాయ పన్ను శాఖ చెన్నైలో శుక్రవారం 18 చోట్ల దాడులు నిర్వహించింది. సోదాల్లో లెక్క చూపని రూ.14.54 కోట్ల నగదును అధికారులు సీజ్​ చేశారు. మొదటగా పీఎస్​కే నిర్మాణ సంస్థ ప్రాంగణంలో నిర్వహించిన సోదాల్లో లెక్కచూపని రూ.13.80కోట్ల నగదును అధికారులు గుర్తించారు. అనంతరం పలు కీలక పత్రాలు స్వాధీనం చేసుకున్నారు.

ఎన్నికల్లో ఓటర్లను ప్రలోభ పెట్టేందుకు నగదును తరలిస్తున్నారనన్న పక్కా సమాచారంతో ఫైనాన్షియర్లు ఆకాశ్ భాస్కరన్​, సుజయ్​ రెడ్డి నివాసాల్లో అధికారులు సోదాలు నిర్విహించారు. ఈ తనిఖీల్లో రూ.18 లక్షలు సీజ్​ చేశారు. అంతేకాకుండా సుజయ్​ రెడ్డి లెక్కలు చూపకుండా మలేషియా కంపెనీలో రూ.16కోట్ల పెట్టుబడులు పెట్టిన కీలక పత్రాలను అధికారులు గుర్తించారు. తమిళనాడులో 39 లోక్​సభ, 18 శాసనసభ స్థానాలకు ఈనెల 18న పోలింగ్ జరగనుంది.