ఆరిఫా హత్యకేసు.. పోలీసులకు లొంగిపోయిన నిందితుడు

హైదరాబాద్‌ చిలకలగూడలోని వారాసిగూడలో ఆరిఫా అనే మైనర్ బాలిక హత్యకేసులో నిందితుడు షోయబ్ పోలీసుల ఎదుట లొంగిపోయాడు. బాలికను ఏవిధంగా హత్య చేశాడో అంతా వివరించాడు నిందితుడు. ఆరిఫా తల్లిదండ్రులు అనుకున్నట్లుగానే షోయబ్‌నే ఆరిఫాను హత్య చేశాడు. గతంలో ఆరిఫాను పెళ్లి చేసుకుంటానని ఆమె తల్లిదండ్రులను షోయబ్ అడిగాడు. ఇందుకు వారు నిరాకరించారు. అప్పటి నుంచి ఆరిఫాపై కోపం పెంచుకున్న షోయబ్.. ఏకాంతంగా ఎప్పుడు దొరుకుతుందా అని ఎదురుచూశాడు. గురువారం రాత్రి బిల్డింగ్ పైకి చదువుకోవడానికని ఆరిఫా వెళ్లింది. ఇదే సమయం అదునుగా భావించిన షోయబ్.. ఆమెను కొట్టి చంపి, బిల్డింగ్ పై నుంచి తోసేశాడు. కాగా.. ఆరిఫా మృతదేహానికి వైద్యులు ప్రైమరీ పోస్టుమార్టం నిర్వహించారు. ఆమె శరీరంపై 11 గాయాలు ఉన్నట్లు గుర్తించారు. కాగా.. షోయబ్‌ను సాయంత్రం మీడియా ముందు ప్రవేశపెట్టనున్నారు పోలీసులు.