కోవిడ్-19 బారి నుంచి బయటపడ్డా, మలైకా అరోరా

కోవిడ్-19 బారి నుంచి తాను బయటపడ్డానని, ఇప్పుడెంతో రిలాక్స్ గా ఉన్నానని బాలీవుడ్ నటి మలైకా అరోరా తెలిపింది. మాస్క్ ధరించి తన గది నుంచి బయటకి వచ్చిన ఆమె.. ఇన్నాళ్లుగా నిర్బంధంలో ఉన్నట్టు అనుభూతి చెందానని, ఇప్పుడు బయటికి వచ్చి సంతోషంగా ఫీలవుతున్నానని తన ఇన్స్ టా గ్రామ్ లో పేర్కొంది.  ఈనెల 7 న కరోనా వైరస్ పాజిటివ్ కి గురైన మలైకా.. ఇన్ని రోజులూ సెల్హ్ ఐసోలేషన్ లో ఉంటూ వచ్చింది. కొద్ది నొప్పి, స్వల్ప ‘అన్-ఈజీ’ కి గురైనప్పటికీ  డాక్టర్లు ఇచ్చిన మెడికల్ గైడెన్స్ తో వాటిని అధిగమించానని ఆమె తెలిపింది. వారికి  కృతజ్ఞతలు తెలుపుతున్నానని. అలాగే తన హెల్త్ గురించి ఆందోళన చెంది, మెసేజులు పంపిన తన అభిమానులకు ధన్యవాదాలు తెలియజేస్తున్నానని మలైకా అరోరా వివరించింది. ఆ మధ్య తాను ఐసోలేషన్ లో ఉండగా తన కుమారుడిని, తన పెంపుడు కుక్కను దూరం నుంచే చూసి ఆమె భావోద్వేగానికి గురైన సంగతి తెలిసిందే. ఆ ఇద్దరి స్వీట్ మెమొరీస్ తనకు శక్తి నిస్తున్నాయని, వారిని హగ్ చేసుకోలేకపోతునానని ఆ సందర్భంలో ఆమె పేర్కొంది.