ఐపీఎల్ బెట్టింగ్ గ్యాంగ్ గుట్టురట్టు

ఐపీఎల్ బెట్టింగ్ గ్యాంగ్ గుట్టురట్టు చేశారు ఢిల్లీ పోలీసులు. దక్షిణ ఢిల్లీ ప్రాంతంలో ఐపీఎల్ బెట్టింగ్‌కు పాల్ప‌డుతున్న 17 మంది వ్య‌క్తుల‌ను పోలీసులు అరెస్టు చేశారు. ద‌క్షిణ ఢిల్లీలోని దేవ్లీ గ్రామంలో ఐపీఎల్ బెట్టింగ్‌కు పాల్ప‌డుతున్నార‌న్న స‌మాచారం అందుకున్న పోలీసులు దాడులు నిర్వహించారు. అధునిక టెక్నాలజీని ఉపయోగిస్తూ పందాలు కాస్తున్న బెట్టింగ్ రాయుళ్ల‌ను రెడ్ హ్యాండెడ్ గా పట్టుకున్నారు. పోలీసుల క‌ద‌లిక‌లు అదేవిధంగా క‌మ్యూనికేష‌న్ నిమిత్తం ఆరు వాకీ టాకీల‌ను వినియోగిస్తున్నట్లు పోలీసులు గుర్తించారు. నిందితుల వ‌ద్ద నుంచి మొబైల్ ఫోన్స్‌, డీటీహెచ్ క‌నెక్ష‌న్‌తో కూడిన టీవీ సెట్స్‌, వైర్‌లెస్ ఇంట‌ర్నెట్ రూట‌ర్‌, రూ. 81 వేల న‌గ‌దు, ప‌ది జ‌త‌ల ప్లేయింగ్ కార్డ్స్‌, గ్యాంబ్లింగ్ చార్ట్స్‌, గ్యాంబ్లింగ్ చిట్స్‌ను స్వాధీనం చేసుకున్నారు. గ్యాంబ్లింగ్ యాక్ట్ 1955 లోని సెక్ష‌న్ 2, 4, 9, 55 కింద కేసులు న‌మోదు చేసిన‌ట్లు ద‌క్షిణ ఢిల్లీ డీసీపీ అతుల్ థాకూర్ తెలిపారు.