అమ్మకానికి చెగువేరా చిన్నప్పటి ఇల్లు

మార్క్సిస్ట్ విప్లవకారుడు చేగువేరా బాల్యంలో నివసించిన ఇల్లును అమ్మకానికి పెట్టారు. అర్జెంటినా దేశంలోని రోసారియోలో చెగువేరా బాల్యాన్ని గడపగా.. 200 చదరపు మీటర్ల వైశాల్యంలో ఉన్న ఆ ఇంటిని 400,000 డాలర్లకు వేలానికి ఉంచారు. ఈ ఇంటికి దశాబ్దాలుగా చాలా మంది యజమానులు ఉంటూ వచ్చారు.

ఇక ప్రస్తుత యజమానుల్లో ఒకరైన ఫ్రాన్సిస్కో ఫర్రుగియా మీడియాతో మాట్లాడుతూ.. ఎప్పటి నుంచో తాను ఈ భవనాన్ని విక్రయించాలనుకుంటున్నానని అన్నారు. కరోనా మహమ్మారి నేపథ్యంలో ఇప్పుడు తన నిర్ణయాన్ని వేగవంతం చేశానని తెలిపారు. కాగా లాటిన్ అమెరికా, ఆఫ్రికాలో అనేక విప్లవాలకు నాయకత్వం వహించిన చెగువేరాను.. 1967లో బొలీవియాలో బొలీవియన్ మిలటరీ ఉరి తీసిన విషయం తెలిసిందే.