బ్రేకింగ్.. ఆంధ్రప్రదేశ్ కే ఫస్ట్ ప్లేస్
బిజినెస్ రిఫార్మ్ యాక్షన్ ప్లాన్ 2019 ర్యాంకింగ్స్ లో ఆంధ్రప్రదేశ్ రాష్ట్రం ఫస్ట్ ప్లేస్ లో నిలిచి సత్తా చాటింది. కేవలం దక్షిణ భారతదేశంలోనే కాకుండా ఓవరాల్ ర్యాంకింగ్ లోనూ ఆంధ్రప్రదేశే మొదటి స్థానంలో నిలవడం విశేషం..
బిజినెస్ రిఫార్మ్ యాక్షన్ ప్లాన్ 2019 ర్యాంకింగ్స్ లో ఆంధ్రప్రదేశ్ రాష్ట్రం ఫస్ట్ ప్లేస్ లో నిలిచి సత్తా చాటింది. కేవలం దక్షిణ భారతదేశంలోనే కాకుండా ఓవరాల్ ర్యాంకింగ్ లోనూ ఆంధ్రప్రదేశే మొదటి స్థానంలో నిలవడం విశేషం. 2వ స్థానంలో ఉత్తరప్రదేశ్ , మూడో స్థానంలో తెలంగాణ వచ్చాయి. మినిస్ట్రీ ఆఫ్ కామర్స్ & ఇండస్ట్రీ గవర్నమెంట్ ఆఫ్ ఇండియా ఆధ్వర్యంలో డిపార్ట్ మెంట్ ఫర్ ప్రమోషన్ ఆఫ్ ఇండస్ట్రీ అండ్ ఇంటర్నల్ ట్రేడ్ బిఆర్ఏపి ర్యాంకింగ్స్ ను ఇస్తుంది. దేశీయ, విదేశీ పెట్టుబడిదారులను ఆకర్షించడానికి, వ్యాపార వాతావరణాన్ని మెరుగుపరచడానికి, రాష్ట్రాల మధ్య పోటీని పెంచడానికి ఈజ్ ఆఫ్ డూయింగ్ బిజినెస్ రేసులో రాష్ట్రాలకు ఈ ర్యాంకింగ్స్ ఉద్దేశిస్తారు. ఆర్థిక మంత్రి నిర్మలా సీతారామన్, వాణిజ్య, పరిశ్రమల శాఖ మంత్రి పియూష్ గోయల్, క్యాబినెట్ మంత్రి హర్దీప్ సింగ్ పూరి ఈ ర్యాంకింగ్‌ను విడుదల చేశారు. ఈ ర్యాంకింగ్ వ్యాపార సంస్కరణ కార్యాచరణ ప్రణాళిక అమలుపై ఆధారపడి ఉందని పియూష్ గోయల్ చెప్పారు.
సింగిల్ విండో విధానం (ఏక గవాక్ష), కార్మిక సంస్కరణలు, వివాదాల పరిష్కార చట్టంలో సంస్కరణలు ఇలా పలు కీలక నిర్ణయాలతో కేంద్ర ప్రభుత్వం వ్యాపార నిర్వహణను సులభతరం చేస్తోందని పీయూష్ గోయల్ తెలిపారు.