‘రామ్‌ సేతు’ సినిమాలో తన ఫస్ట్‌లుక్‌ను దీపావళి కానుకగా విడుదల చేసిన అక్షయ్ కుమార్

బాలీవుడ్‌ సూపర్‌ స్టార్‌ అక్షయ్‌ కుమార్‌ చాలా డిఫ్రెంట్. అందరికంట బాలీవుడ్‌ సూపర్‌ స్టార్‌ అక్షయ్‌ కుమార్‌ భిన్నం. ఈ గడ్డుకాలంలో కూడా చేతి నిండా సినిమాలతో అక్కి బిజీగా ఉన్నాడు. ఇప్పటికే ఆయన నటించిన లక్ష్మి‌, బెల్‌బాటమ్‌లు విడుదల కాగా.. సూర్వవంశీ సినిమా విడుదలకు సిద్ధమవుతోంది. ఈ క్రమంలో అక్షయ్‌ తన తదుపరి భారీ ప్రాజెక్ట్‌ను ప్రకటించి తన అభిమానులకు దీపావళి కానుక ఇచ్చాడు.

తను నటించబోయే ‘రామ్‌ సేతు’ సినిమాలో తన ఫస్ట్‌లుక్‌ను దీపావళి సందర్భంగా సోషల్‌ మీడియాలో విడుదల చేశాడు. ఈ పోస్టలో అక్షయ్‌ మెడలో ఎరుపు కండువాతో కార్గ్‌ ప్యాంట్‌, షర్ట్‌ ధరించి కనిపించాడు.

అంతేగాక స్లింగ్‌ బ్యాగు ధరించి నెలవైపు చూస్తుండగా అతడి వెనక లోక నాయకుడు శ్రీరాముడి రాముడి షాడో ప్రకాశవంతంగా వెలుగుతూ కనిపిస్తుంది. పొస్టర్‌ను ట్విటర్‌లో షేర్‌ చేస్తూ.. ఈ దీపావళి, రాబోయే తరాలను కలిపేందుకు ఒక వంతేనను నిర్మించి.. భారతీయుల ఆదర్శ దైవం శ్రీరాముడి ఆదర్శాలను సజీవంగా ఉంచడానికి ప్రయత్నిద్దామని అంటూ పేర్కొన్నారు. అదే విధంగా త్వరలోనే ‘రామ్‌సేతు’తో మీ ముందుకు వస్తున్నానంటూ.. ఈ దీపావళి మీ అందరి ఇళ్లలో కాంతి నింపాలని ఆశిస్తూ హ్యాపీ దీపావళి అని అక్షయ్‌ శుభాకాంక్షలు తెలిపాడు.