ఇస్మార్ట్ శంకర్ కు సీక్వెల్..?

హైదరాబాద్: రామ్ హీరోగా పూరి జగన్నాధ్ డైరెక్షన్ లో తెరకెక్కుతున్న చిత్రం ‘ఇస్మార్ట్ శంకర్’. ఈ చిత్రానికి పూరి జగన్నాధ్, ఛార్మి నిర్మాతలు. ప్రస్తుతం ఈ సినిమాకు సంబంధించిన షూటింగ్ శరవేగంగా జరుగుతోంది. ఇందులో నభా నటేష్, నిధి అగర్వాల్ హీరోయిన్లు గా నటిస్తున్నారు. రీసెంట్ గా రిలీజ్ అయిన ఫస్ట్ లుక్ పోస్టర్స్ కు ప్రేక్షకుల నుంచి విశేష స్పందన లభిస్తోంది.

అయితే ఈ సినిమా సెట్స్ మీద ఉండగానే దీనికి సీక్వెల్ ప్లాన్ చేస్తున్నాడట డైరెక్టర్ పూరి జగన్నాధ్. ఈమేరకు ‘డబుల్ ఇస్మార్ట్’ అనే టైటిల్ ను కూడా రిజిస్టర్ చేశాడట. దీనికి సంబంధించి పూర్తి వివరాలు త్వరలోనే వెల్లడిస్తారట చిత్ర యూనిట్.