హైదరాబాద్ ఆల్‌రౌండ్‌ షో.. టోర్నీలో మూడో విజయం..

IPL 2020: ఐపీఎల్‌ 2020లో సన్‌రైజర్స్‌ హైదరాబాద్ ఆల్‌రౌండ్ పెర్ఫార్మన్స్‌తో లీగ్‌లో మూడో విజయాన్ని నమోదు చేసుకుంది. దీనితో పాయింట్ల పట్టికలో మూడో స్థానానికి ఎగబాకింది. దుబాయ్ వేదికగా జరిగిన మ్యాచ్‌లో సన్‌రైజర్స్ హైదరాబాద్‌ 69 పరుగుల తేడాతో పంజాబ్‌పై విజయం సాధించింది. ముందుగా హైదరాబాద్ 20 ఓవర్లలో 6 వికెట్ల నష్టానికి 201 పరుగులు చేసింది.

బెయిర్ స్టో(97) అద్భుత బ్యాటింగ్‌ ప్రదర్శన కనబర్చగా… డేవిడ్ వార్నర్(52), విలియమ్సన్(20) మరోసారి ఆకట్టుకున్నారు. అనంతరం పంజాబ్ 20 ఓవర్లలో 132 పరుగులకు ఆలౌట్ అయింది. నికోలస్ పూరన్(77) ఒక్కడే అర్ధ సెంచరీతో రాణించాడు. హైదరాబాద్ బౌలర్లలో రషీద్ ఖాన్(3/12), నటరాజన్(2/24), ఖలీల్(2/24) అదరగొట్టారు.