Luck: లక్ అంటే ఇది.. గింగిరాలు తిరుగుతూ వచ్చి ఆమె కాళ్ల ముందు వాలింది

Lottery Winner

ఫేట్ ఎప్పుడు.. ఎలా మారుతుందో అస్సలు ఊహించలేం. కొన్నిసార్లు మనం ఎంత కష్టపడ్డా ఫలితాలు ఆశాజనకంగా ఉండవు. మరికొన్నిసార్లు పరధ్యానంగా చేసినా సరే..  సూపర్ రిజల్ట్ వెతుక్కుంటూ ఇంటికి వచ్చేస్తుంది. తాజాగా  అమెరికాలోని మిస్సోరీ రాష్ట్రం కేన్సస్​కు చెందిన 51 ఏళ్ల ఏంజెలా కార్వేలాకు అలానే జరిగింది. ఆమె అనుకున్న షెడ్యూల్ ప్రకారం ఫ్లోరిడాలో విమానం ఎక్కాల్సి ఉంది. ఇంతలో ఫ్లైట్ క్యాన్సిల్ చేస్తున్నట్లు సిబ్బంది  అనౌన్స్ చేశారు. దీంతో చేసేదేమీ లేక బయటకు వచ్చిన కార్వేలా.. దగ్గర్లో ఉన్న ఓ సూపర్​మార్కెట్​లో 30 డాలర్లు (రూ.2,220) పెట్టి లాటరీ టికెట్​ కొనుగోలు చేసింది. అంతే.. ఇక్కడితో ఆమె దశ తిరిగింది. ద ఫాస్టెస్ట్​ రోడ్​ అనే సంస్థ నిర్వహించిన ఈ లాటరీలో కార్వేలా విన్నర్‌గా నిలిచింది. ప్రైజ్​మనీగా ఒక మిలియన్​ డాలర్లు (సుమారు రూ.7.5కోట్లు) గెలుచుకుంది.

ఊహించని విధంగా దక్కిన ఈ లాటరీ టికెట్​ గెలుపుతో కార్వేలా ఫుల్ హ్యపీ అయిపోయింది. తనకు విమానం రద్దు అయినప్పుడే ఏదో వింత అనుభవం ఎదురుకానుందని అనిపించిందని వెల్లడించింది. సమయం గడపడం కోసం సరదాగా కొన్న స్క్రాచ్​ ఆఫ్​ టికెట్లతో కోట్లు గెలుచుకున్నానని ఆనందం వ్యక్తం చేసింది. ఈ డబ్బులో కొంత మొత్తం టాక్స్‌లకు పోగా.. 7,90,000 డాలర్లు (రూ.5.8 కోట్లు) కార్వేలా చేతికి అందనున్నాయి. కార్వేలాకు లాటరీ టికెట్​ విక్రయించిన పబ్లిక్స్​ సూపర్​ మార్కెట్​కు కూడా 2000 డాలర్లు (రూ.1.4 లక్షలు) బోనస్​ కమీషన్​ అందనుంది.

Also Read: న్యూసెన్స్ వ్యవహారంపై స్పందించిన నిహారిక భర్త చైతన్య.. పూర్తి క్లారిటీ ఇచ్చేశాడు

దెబ్బ మీద దెబ్బ.. పాపం శిల్పాకు ఇదేం పరిస్థితి అబ్బా..!